उस से क्या ख़ाक हम-नशीं बनती
बात बिगड़ी हुई नहीं बनती
वो बनी इब्तिदा-ए-उल्फ़त में
दम पे जो वक़्त-ए-वापसीं बनती
आदमी सब फ़रिश्ते बन जाते
आसमाँ पर अगर ज़मीं बनती
मेरी सूरत बनी तो ख़ाक बनी
क़िस्मत ऐ सूरत-आफ़रीं बनती
वादे करते ही क्या वो आ जाते
रात भर ज़ुल्फ़-ए-अम्बरीं बनती
काश सुनता न कोई शोर ओ फ़ुग़ाँ
दिल की जा चश्म-ए-सुर्मगीं बनती
तू ने ऐसे बिगाड़ डाले हैं
एक की एक से नहीं बनती
न चमकती जो हुस्न की तक़दीर
क्यूँ तिरी चाँद सी जबीं बनती
पारा-ए-जेब से मिरे ऐ काश
दस्त-ए-वहशत की आस्तीं बनती
बज़्म-ए-दुनिया थी क़ाबिल-ए-जन्नत
ख़ूब बनती अगर यहीं बनती
तब-ए-नाज़ुक का लुत्फ़ जब था 'दाग़'
नाज़नीनों में नाज़नीं बनती
us se kyā ḳhaak ham-nashīñ bantī
baat bigḌī huī nahīñ bantī
vo banī ibtidā-e-ulfat meñ
dam pe jo vaqt-e-vāpsīñ bantī
aadmī sab farishte ban jaate
āsmāñ par agar zamīñ bantī
merī sūrat banī to ḳhaak banī
qismat ai sūrat-āfrīñ bantī
vaade karte hī kyā vo aa jaate
raat bhar zulf-e-ambarīñ bantī
kaash suntā na koī shor o fuġhāñ
dil kī jā chashm-e-surmagīñ bantī
tū ne aise bigāḌ Daale haiñ
ek kī ek se nahīñ bantī
na chamaktī jo husn kī taqdīr
kyuuñ tirī chāñd sī jabīñ bantī
pāra-e-jeb se mire ai kaash
dast-e-vahshat kī āstīñ bantī
bazm-e-duniyā thī qābil-e-jannat
ḳhuub bantī agar yahīñ bantī
tab-e-nāzuk kā lutf jab thā 'dāġh'
nāznīnoñ meñ nāznīñ bantī
اس سے کیا خاک ہم نشیں بنتی
بات بگڑی ہوئی نہیں بنتی
وہ بنی ابتدائے الفت میں
دم پہ جو وقت واپسیں بنتی
آدمی سب فرشتے بن جاتے
آسماں پر اگر زمیں بنتی
میری صورت بنی تو خاک بنی
قسمت اے صورت آفریں بنتی
وعدے کرتے ہی کیا وہ آ جاتے
رات بھر زلف عنبریں بنتی
کاش سنتا نہ کوئی شور و فغاں
دل کی جا چشم سرمگیں بنتی
تو نے ایسے بگاڑ ڈالے ہیں
ایک کی ایک سے نہیں بنتی
نہ چمکتی جو حسن کی تقدیر
کیوں تری چاند سی جبیں بنتی
پارۂ جیب سے مرے اے کاش
دست وحشت کی آستیں بنتی
بزم دنیا تھی قابل جنت
خوب بنتی اگر یہیں بنتی
طبع نازک کا لطف جب تھا داغؔ
نازنینوں میں نازنیں بنتی