उस को भी हम से मोहब्बत हो ज़रूरी तो नहीं
इश्क़ ही इश्क़ की क़ीमत हो ज़रूरी तो नहीं
एक दिन आप की बरहम-निगही देख चुके
रोज़ इक ताज़ा क़यामत हो ज़रूरी तो नहीं
मेरी शम्ओं को हवाओं ने बुझाया होगा
ये भी उन की ही शरारत हो ज़रूरी तो नहीं
अहल-ए-दुनिया से मरासिम भी बरतने होंगे
हर नफ़स सिर्फ़ इबादत हो ज़रूरी तो नहीं
दोस्ती आप से लाज़िम है मगर इस के लिए
सारी दुनिया से अदावत हो ज़रूरी तो नहीं
पुर्सिश-ए-हाल को तुम आओगे उस वक़्त मुझे
लब हिलाने की भी ताक़त हो ज़रूरी तो नहीं
सैकड़ों दर हैं ज़माने में गदाई के लिए
आप ही का दर-ए-दौलत हो ज़रूरी तो नहीं
बाहमी रब्त में रंजिश भी मज़ा देती है
बस मोहब्बत ही मोहब्बत हो ज़रूरी तो नहीं
ज़ुल्म के दौर से इकराह-ए-दिली काफ़ी है
एक ख़ूँ-रेज़ बग़ावत हो ज़रूरी तो नहीं
एक मिस्रा भी जो ज़िंदा रहे काफ़ी है 'सबा'
मेरे हर शेर की शोहरत हो ज़रूरी तो नहीं
us ko bhī ham se mohabbat ho zarūrī to nahīñ
ishq hī ishq kī qīmat ho zarūrī to nahīñ
ek din aap kī barham-nigahī dekh chuke
roz ik taaza qayāmat ho zarūrī to nahīñ
merī sham.oñ ko havāoñ ne bujhāyā hogā
ye bhī un kī hī sharārat ho zarūrī to nahīñ
ahl-e-duniyā se marāsim bhī baratne hoñge
har nafas sirf ibādat ho zarūrī to nahīñ
dostī aap se lāzim hai magar is ke liye
saarī duniyā se adāvat ho zarūrī to nahīñ
pursish-e-hāl ko tum aaoge us vaqt mujhe
lab hilāne kī bhī tāqat ho zarūrī to nahīñ
saikḌoñ dar haiñ zamāne meñ gadā.ī ke liye
aap hī kā dar-e-daulat ho zarūrī to nahīñ
bāhamī rabt meñ ranjish bhī mazā detī hai
bas mohabbat hī mohabbat ho zarūrī to nahīñ
zulm ke daur se ikrāh-e-dilī kaafī hai
ek ḳhūñ-rez baġhāvat ho zarūrī to nahīñ
ek misra bhī jo zinda rahe kaafī hai 'sabā'
mere har sher kī shohrat ho zarūrī to nahīñ
اس کو بھی ہم سے محبت ہو ضروری تو نہیں
عشق ہی عشق کی قیمت ہو ضروری تو نہیں
ایک دن آپ کی برہم نگہی دیکھ چکے
روز اک تازہ قیامت ہو ضروری تو نہیں
میری شمعوں کو ہواؤں نے بجھایا ہوگا
یہ بھی ان کی ہی شرارت ہو ضروری تو نہیں
اہل دنیا سے مراسم بھی برتنے ہوں گے
ہر نفس صرف عبادت ہو ضروری تو نہیں
دوستی آپ سے لازم ہے مگر اس کے لئے
ساری دنیا سے عداوت ہو ضروری تو نہیں
پرسش حال کو تم آؤ گے اس وقت مجھے
لب ہلانے کی بھی طاقت ہو ضروری تو نہیں
سیکڑوں در ہیں زمانے میں گدائی کے لئے
آپ ہی کا در دولت ہو ضروری تو نہیں
باہمی ربط میں رنجش بھی مزا دیتی ہے
بس محبت ہی محبت ہو ضروری تو نہیں
ظلم کے دور سے اکراہ دلی کافی ہے
ایک خوں ریز بغاوت ہو ضروری تو نہیں
ایک مصرعہ بھی جو زندہ رہے کافی ہے صباؔ
میرے ہر شعر کی شہرت ہو ضروری تو نہیں