उस का जल्वा जो कोई देखने वाला होता
वादा-ए-दीद क़यामत पे न टाला होता
बाम पर थे वो खड़े लुत्फ़ दो-बाला होता
मुझ को भी दिल ने उछल कर जो उछाला होता
कैसे ख़ुश-रंग हैं ज़ख़्म-ए-जिगर ओ दाग़-ए-जिगर
हम दिखाते जो कोई देखने वाला होता
दिल न सँभला था अगर देख के जल्वा उस का
तू ने ऐ दर्द-ए-जिगर उठ के सँभाला होता
तुम जो पर्दे में सँवरते हो नतीजा क्या है
लुत्फ़ जब था कि कोई देखने वाला होता
तुम ने अरमान हमारा न निकाला न सही
अपने ख़ंजर का तो अरमान निकाला होता
दिल के हाथों न मिला चैन किसी रोज़ 'जलील'
ऐसे दुश्मन को न आग़ोश में पाला होता
us kā jalva jo koī dekhne vaalā hotā
vāda-e-dīd qayāmat pe na Taalā hotā
baam par the vo khaḌe lutf do-bālā hotā
mujh ko bhī dil ne uchhal kar jo uchhālā hotā
kaise ḳhush-rañg haiñ zaḳhm-e-jigar o dāġh-e-jigar
ham dikhāte jo koī dekhne vaalā hotā
dil na sambhlā thā agar dekh ke jalva us kā
tū ne ai dard-e-jigar uTh ke sambhālā hotā
tum jo parde meñ sañvarte ho natīja kyā hai
lutf jab thā ki koī dekhne vaalā hotā
tum ne armān hamārā na nikālā na sahī
apne ḳhanjar kā to armān nikālā hotā
dil ke hāthoñ na milā chain kisī roz 'jalīl'
aise dushman ko na āġhosh meñ paalā hotā
اس کا جلوہ جو کوئی دیکھنے والا ہوتا
وعدۂ دید قیامت پہ نہ ٹالا ہوتا
بام پر تھے وہ کھڑے لطف دوبالا ہوتا
مجھ کو بھی دل نے اچھل کر جو اچھالا ہوتا
کیسے خوش رنگ ہیں زخم جگر و داغ جگر
ہم دکھاتے جو کوئی دیکھنے والا ہوتا
دل نہ سنبھلا تھا اگر دیکھ کے جلوہ اس کا
تو نے اے درد جگر اٹھ کے سنبھالا ہوتا
تم جو پردے میں سنورتے ہو نتیجہ کیا ہے
لطف جب تھا کہ کوئی دیکھنے والا ہوتا
تم نے ارمان ہمارا نہ نکالا نہ سہی
اپنے خنجر کا تو ارمان نکالا ہوتا
دل کے ہاتھوں نہ ملا چین کسی روز جلیلؔ
ایسے دشمن کو نہ آغوش میں پالا ہوتا