उन निगाहों को अजब तर्ज़-ए-कलाम आता है
ऐसा लगता है बहारों का पयाम आता है
मरहला होता है जब दार-ओ-रसन का दरपेश
क़ुरआ-ए-फ़ाल हम ऐसों ही के नाम आता है
ऐ मिरे नासेह-ए-मुशफ़िक़ कभी ये भी सोचा
कौन दुनिया में ख़ुशी से तह-ए-दाम आता है
बादा-नोशी में भी है कैफ़-ए-सुकूँ-बख़्श मगर
हाए वो कैफ़ जो बे-मिन्नत-ए-जाम आता है
अपनी हँसती का भी एहसास जहाँ हो न सके
आलम-ए-होश में इक वो भी मक़ाम आता है
पेश-दस्ती है ख़राबात-ए-जहाँ का दस्तूर
तकते रहने से कहीं हाथ में जाम आता है
अहल-ए-हिम्मत के हसीं ख़्वाबों की निकली ता'बीर
इब्न-ए-आदम को सितारों का सलाम आता है
un nigāhoñ ko ajab tarz-e-kalām aatā hai
aisā lagtā hai bahāroñ kā payām aatā hai
marhala hotā hai jab dār-o-rasan kā darpesh
qur.a-e-fāl ham aisoñ hī ke naam aatā hai
ai mire nāseh-e-mushfiq kabhī ye bhī sochā
kaun duniyā meñ ḳhushī se tah-e-dām aatā hai
bāda-noshī meñ bhī hai kaif-e-sukūñ-baḳhsh magar
haa.e vo kaif jo be-minnat-e-jām aatā hai
apnī hañstī kā bhī ehsās jahāñ ho na sake
ālam-e-hosh meñ ik vo bhī maqām aatā hai
pesh-dastī hai ḳharābāt-e-jahāñ kā dastūr
takte rahne se kahīñ haath meñ jaam aatā hai
ahl-e-himmat ke hasīñ ḳhvāboñ kī niklī ta.abīr
ibn-e-ādam ko sitāroñ kā salām aatā hai
ان نگاہوں کو عجب طرز کلام آتا ہے
ایسا لگتا ہے بہاروں کا پیام آتا ہے
مرحلہ ہوتا ہے جب دار و رسن کا درپیش
قرعۂ فال ہم ایسوں ہی کے نام آتا ہے
اے مرے ناصح مشفق کبھی یہ بھی سوچا
کون دنیا میں خوشی سے تہہ دام آتا ہے
بادہ نوشی میں بھی ہے کیف سکوں بخش مگر
ہائے وہ کیف جو بے منت جام آتا ہے
اپنی ہنستی کا بھی احساس جہاں ہو نہ سکے
عالم ہوش میں اک وہ بھی مقام آتا ہے
پیش دستی ہے خرابات جہاں کا دستور
تکتے رہنے سے کہیں ہاتھ میں جام آتا ہے
اہل ہمت کے حسیں خوابوں کی نکلی تعبیر
ابن آدم کو ستاروں کا سلام آتا ہے