बहुत लतीफ़ है ये मुख़्तसर जहाँ अपना
जिगर-नवाज़ भी तू तू ही राज़दाँ अपना
तमाम दौलत-ए-हस्ती लुटा के माँगूँगा
बहार-ए-हुस्न तिरी ज़ौक़-ए-जावेदाँ अपना
बहम हुए हैं शनासा-ए-यक-दिगर दोनों
निगाह-ए-नाज़ तिरी क़ल्ब-ए-ख़ूँ-चकाँ अपना
शफ़क़ में सीना-ए-गुल में जुनूँ की वादी में
बटा है ख़ून-ए-जिगर भी कहाँ कहाँ अपना
ये 'आरज़ी ही सही आब-ओ-रंग-ए-हुस्न मगर
लुटा रही है ख़िरद इन पे कारवाँ अपना
जबीं-नवाज़ है जलवों की ये फ़रावानी
कहाँ है आज सर-ए-नंग-ए-आस्ताँ अपना
नवाज़िशात-ए-गुज़िश्ता कि अब ख़याली हैं
बना रहा हूँ उन्हीं से मैं गुलिस्ताँ अपना
'अजीब ज़ौक़-फ़ज़ा जुस्तुजू की लज़्ज़त है
भटकने दो भी ज़रा देर कारवाँ अपना
हज़ार कुछ न सही मुश्त-ए-ख़ाक-ए-इंसाँ में
'उरूज-ए-'अर्श पे है फिर भी आस्ताँ अपना
न सूद ही न ज़ियाँ ही न रंज-ओ-राहत है
है 'अक़्ल-ओ-होश के पर्दे में इम्तिहाँ अपना
हैं आश्ना-ए-हवादिस तो ख़ौफ़-ए-बर्क़ ही क्या
दिखा दिखा के बनाते हैं आशियाँ अपना
bahut latīf hai ye muḳhtasar jahāñ apnā
jigar-navāz bhī tū tū hī rāzdāñ apnā
tamām daulat-e-hastī luTā ke māñgūñgā
bahār-e-husn tirī zauq-e-jāvedāñ apnā
baham hue haiñ shanāsā-e-yak-digar donoñ
nigāh-e-nāz tirī qalb-e-ḳhūñ-chakāñ apnā
shafaq meñ sīna-e-gul meñ junūñ kī vaadī meñ
baTā hai ḳhūn-e-jigar bhī kahāñ kahāñ apnā
ye 'ārzī hī sahī āb-o-rang-e-husn magar
luTā rahī hai ḳhirad in pe kārvāñ apnā
jabīñ-navāz hai jalvoñ kī ye farāvānī
kahāñ hai aaj sar-e-nang-e-āstāñ apnā
navāzishāt-e-guzishta ki ab ḳhayālī haiñ
banā rahā huuñ unhīñ se maiñ gulistāñ apnā
'ajīb zauq-fazā justujū kī lazzat hai
bhaTakne do bhī zarā der kārvāñ apnā
hazār kuchh na sahī musht-e-ḳhāk-e-insāñ meñ
'urūj-e-'arsh pe hai phir bhī āstāñ apnā
na suud hī na ziyāñ hī na ranj-o-rāhat hai
hai 'aql-o-hosh ke parde meñ imtihāñ apnā
haiñ āshnā-e-havādis to ḳhauf-e-barq hī kyā
dikhā dikhā ke banāte haiñ āshiyāñ apnā
بہت لطیف ہے یہ مختصر جہاں اپنا
جگر نواز بھی تو تو ہی راز داں اپنا
تمام دولت ہستی لٹا کے مانگوں گا
بہار حسن تری ذوق جاوداں اپنا
بہم ہوئے ہیں شناسائے یک دگر دونوں
نگاہ ناز تری قلب خونچکاں اپنا
شفق میں سینۂ گل میں جنوں کی وادی میں
بٹا ہے خون جگر بھی کہاں کہاں اپنا
یہ عارضی ہی سہی آب و رنگ حسن مگر
لٹا رہی ہے خرد ان پہ کارواں اپنا
جبیں نواز ہے جلوؤں کی یہ فراوانی
کہاں ہے آج سر ننگ آستاں اپنا
نوازشات گزشتہ کہ اب خیالی ہیں
بنا رہا ہوں انہیں سے میں گلستاں اپنا
عجیب ذوق فزا جستجو کی لذت ہے
بھٹکنے دو بھی ذرا دیر کارواں اپنا
ہزار کچھ نہ سہی مشت خاک انساں میں
عروج عرش پہ ہے پھر بھی آستاں اپنا
نہ سود ہی نہ زیاں ہی نہ رنج و راحت ہے
ہے عقل و ہوش کے پردہ میں امتحاں اپنا
ہیں آشنائے حوادث تو خوف برق ہی کیا
دکھا دکھا کے بناتے ہیں آشیاں اپنا