दुनिया को रू-शनास-ए-हक़ीक़त न कर सके
हम जितना चाहते थे मोहब्बत न कर सके
सामान-ए-गुल-फ़रोशी-ए-राहत न कर सके
राहत को हम शरीक-ए-मोहब्बत न कर सके
यूँ कसरत-ए-जमाल ने लूटी मता-ए-दीद
तसकीन-ए-तिश्ना-कामी-ए-हैरत न कर सके
अब इश्क़-ए-खाम-कार ही अरमाँ को दे जवाब
हम उन को बे-क़रार-ए-मोहब्बत न कर सके
बे-मेहरियों से काम रहा गो तमाम-उम्र
बे-मेहरियों को सहने की आदत न कर सके
कुछ ऐसी इल्तिफ़ात-नुमा थी निगाह-ए-दोस्त
होते रहे तबाह शिकायत न कर सके
नाकामियाँ तो फ़र्ज़ अदा अपना कर गईं
हम हैं कि ए'तिराफ़-ए-हज़ीमत न कर सके
फ़ख़्र-ए-मुनासिबत में तिरा नाम ले लिया
हम ख़ुद ही पर्दा-ए-दारी-ए-उलफ़त न कर सके
हर-चंद हाल-ए-दीदा-ओ-दिल हम कहा किए
तशरीह-ए-कैफ़ियात-ए-मोहब्बत न कर सके
अफ़्लाक पर तो हम ने बनाईं हज़ार-हा
ता'मीर कोई दहर में जन्नत न कर सके
हमसाएगी-ए-ज़ाहिद-ए-बद-ख़ू के ख़ौफ़ से
परवरदिगार तेरी इबादत न कर सके
duniyā ko rū-shanās-e-haqīqat na kar sake
ham jitnā chāhte the mohabbat na kar sake
sāmān-e-gul-faroshī-e-rāhat na kar sake
rāhat ko ham sharīk-e-mohabbat na kar sake
yuuñ kasrat-e-jamāl ne luuTī matā-e-dīd
taskīn-e-tishna-kāmī-e-hairat na kar sake
ab ishq-e-ḳhām-kār hī armāñ ko de javāb
ham un ko be-qarār-e-mohabbat na kar sake
be-mehriyoñ se kaam rahā go tamām-umr
be-mehriyoñ ko sahne kī aadat na kar sake
kuchh aisī iltifāt-numā thī nigāh-e-dost
hote rahe tabāh shikāyat na kar sake
nākāmiyāñ to farz adā apnā kar ga.iiñ
ham haiñ ki e'tirāf-e-hazīmat na kar sake
faḳhr-e-munāsibat meñ tirā naam le liyā
ham ḳhud hī pardā-dārī-e-ulfat na kar sake
har-chand hāl-e-dīda-o-dil ham kahā kiye
tashrīh-e-kaifiyāt-e-mohabbat na kar sake
aflāk par to ham ne banā.īñ hazār-hā
ta.amīr koī dahr meñ jannat na kar sake
hamsā.egī-e-zāhid-e-bad-ḳhū ke ḳhauf se
parvardigār terī ibādat na kar sake
دنیا کو روشناس حقیقت نہ کر سکے
ہم جتنا چاہتے تھے محبت نہ کر سکے
سامان گل فروشیٔ راحت نہ کر سکے
راحت کو ہم شریک محبت نہ کر سکے
یوں کثرت جمال نے لوٹی متاع دید
تسکین تشنہ کامئ حیرت نہ کر سکے
اب عشق خام کار ہی ارماں کو دے جواب
ہم ان کو بیقرار محبت نہ کر سکے
بے مہریوں سے کام رہا گو تمام عمر
بے مہریوں کو سہنے کی عادت نہ کر سکے
کچھ ایسی التفات نما تھی نگاہ دوست
ہوتے رہے تباہ شکایت نہ کر سکے
ناکامیاں تو فرض ادا اپنا کر گئیں
ہم ہیں کہ اعتراف ہزیمت نہ کر سکے
فخر مناسبت میں ترا نام لے لیا
ہم خود ہی پردہ دارئ الفت نہ کر سکے
ہر چند حال دیدہ و دل ہم کہا کئے
تشریح کیفیات محبت نہ کر سکے
افلاک پر تو ہم نے بنائیں ہزارہا
تعمیر کوئی دہر میں جنت نہ کر سکے
ہمسائیگئ زاہد بد خو کے خوف سے
پروردگار تیری عبادت نہ کر سکے