दिल में वो कैफ़ियत-ए-नश्शा-ए-सहबा ही नहीं
दरपय-ए-होश निगाह-ए-तरब-अफ़ज़ा ही नहीं
लाला-ओ-गुल में कशिश है न मह-ओ-अंजुम में
अब निगाहों पे हिजाबात-ए-तमन्ना ही नहीं
इस तरह मुझ से तख़ातुब है कि जैसे मैं ने
चश्म-ए-मुश्ताक़ से उन को कभी देखा ही नहीं
क्या बने कोई हरीफ़-ए-निगह-ए-सहर-तराज़
हिम्मत-अफ़ज़ा कोई दर-पर्दा इशारा ही नहीं
दामन-ए-ग़म भी कहीं छूट न जाए हमदम
ज़िंदगी के लिए फिर कोई सहारा ही नहीं
इस क़दर ख़ूगर-ए-बेदाद किया दुनिया ने
अब मुझे शिकवा-ए-बे-मेहरी-ए-दुनिया ही नहीं
दिल है ख़ूँ रूह है बेताब नज़र है ख़ीरा
हम ये समझे थे कि पादाश-ए-तमन्ना ही नहीं
चश्म-ए-मुश्ताक़ से घबरा गई चश्म-ए-ख़ंदाँ
मेरी नज़रों को तक़ाज़े का सलीक़ा ही नहीं
क्या करें गर न जिएँ कौसर-ओ-तूबा के लिए
जिन ग़रीबों के लिए राहत-ए-दुनिया ही नहीं
dil meñ vo kaifiyat-e-nashsha-e-sahbā hī nahīñ
darpai-e-hosh nigāh-e-tarab-afzā hī nahīñ
lāla-o-gul meñ kashish hai na mah-o-anjum meñ
ab nigāhoñ pe hijābāt-e-tamanna hī nahīñ
is tarah mujh se taḳhātub hai ki jaise maiñ ne
chashm-e-mushtāq se un ko kabhī dekhā hī nahīñ
kyā bane koī harīf-e-nigah-e-sehr-tarāz
himmat-afzā koī dar-parda ishārā hī nahīñ
dāman-e-ġham bhī kahīñ chhūT na jaa.e hamdam
zindagī ke liye phir koī sahārā hī nahīñ
is qadar ḳhūgar-e-bedād kiyā duniyā ne
ab mujhe shikva-e-be-mehrī-e-duniyā hī nahīñ
dil hai ḳhuuñ ruuh hai betāb nazar hai ḳhīra
ham ye samjhe the ki pādāsh-e-tamanna hī nahīñ
chashm-e-mushtāq se ghabrā ga.ī chashm-e-ḳhandāñ
merī nazroñ ko taqāze kā salīqa hī nahīñ
kyā kareñ gar na ji.eñ kausar-o-tūbā ke liye
jin ġharīboñ ke liye rāht-e-duniyā hī nahīñ
دل میں وہ کیفیت نشۂ صہبا ہی نہیں
درپئے ہوش نگاہ طرب افزا ہی نہیں
لالہ و گل میں کشش ہے نہ مہ و انجم میں
اب نگاہوں پہ حجابات تمنا ہی نہیں
اس طرح مجھ سے تخاطب ہے کہ جیسے میں نے
چشم مشتاق سے ان کو کبھی دیکھا ہی نہیں
کیا بنے کوئی حریف نگہ سحر طراز
ہمت افزا کوئی در پردہ اشارا ہی نہیں
دامن غم بھی کہیں چھوٹ نہ جائے ہمدم
زندگی کے لئے پھر کوئی سہارا ہی نہیں
اس قدر خوگر بیداد کیا دنیا نے
اب مجھے شکوۂ بے مہرئی دنیا ہی نہیں
دل ہے خوں روح ہے بیتاب نظر ہے خیرہ
ہم یہ سمجھے تھے کہ پاداش تمنا ہی نہیں
چشم مشتاق سے گھبرا گئی چشم خنداں
میری نظروں کو تقاضے کا سلیقہ ہی نہیں
کیا کریں گر نہ جئیں کوثر و طوبیٰ کے لئے
جن غریبوں کے لئے راحت دنیا ہی نہیں