उफ़ुक़ पे दूधिया साया जो पाँव धरने लगा
मुहीब रात का शीराज़ा ही बिखरने लगा
तमाम उम्र जो लड़ता रहा मिरे अंदर
मिरा ज़मीर ही मुझ से फ़रार करने लगा
सफ़र में जब कभी ला-सम्तियों का ज़िक्र हुआ
हमारा क़ाफ़िला तूल-ए-सफ़र से डरने लगा
सुलग रहा है कहीं दूर दर्द का जंगल
जो आसमान पे कड़वा धुआँ बिखरने लगा
चढ़ी नदी को मैं पायाब कर के क्या आया
तमाम शहर ही दरिया के पार करने लगा
अजीब कर्ब से गुज़रा है जुगनुओं का जुलूस
कहाँ ठहरना था इस को कहाँ ठहरने लगा
हमारे साथ रही है सफ़र में बे-ख़बरी
जुनूँ में सोच का इम्कान काम करने लगा
बहुत अजीब है बातिन की गुमरही ऐ 'रिंद'
सुकूत-ए-ज़ाहिरी टुकड़ों में था बिखरने लगा
ufuq pe dūdhiyā saaya jo paañv dharne lagā
muhīb raat kā shīrāza hī bikharne lagā
tamām umr jo laḌtā rahā mire andar
mirā zamīr hī mujh se farār karne lagā
safar meñ jab kabhī lā-samtiyoñ kā zikr huā
hamārā qāfila tūl-e-safar se Darne lagā
sulag rahā hai kahīñ duur dard kā jañgal
jo āsmān pe kaḌvā dhuāñ bikharne lagā
chaḌhī nadī ko maiñ pāyāb kar ke kyā aayā
tamām shahr hī dariyā ke paar karne lagā
ajiib karb se guzrā hai jugnuoñ kā julūs
kahāñ Thaharnā thā is ko kahāñ Thaharne lagā
hamāre saath rahī hai safar meñ be-ḳhabarī
junūñ meñ soch kā imkān kaam karne lagā
bahut ajiib hai bātin kī gumrahī ai 'rind'
sukūt-e-zāhirī TukḌoñ meñ thā bikharne lagā
افق پہ دودھیا سایہ جو پاؤں دھرنے لگا
مہیب رات کا شیرازہ ہی بکھرنے لگا
تمام عمر جو لڑتا رہا مرے اندر
مرا ضمیر ہی مجھ سے فرار کرنے لگا
سفر میں جب کبھی لا سمتیوں کا ذکر ہوا
ہمارا قافلہ طول سفر سے ڈرنے لگا
سلگ رہا ہے کہیں دور درد کا جنگل
جو آسمان پہ کڑوا دھواں بکھرنے لگا
چڑھی ندی کو میں پایاب کر کے کیا آیا
تمام شہر ہی دریا کے پار کرنے لگا
عجیب کرب سے گزرا ہے جگنوؤں کا جلوس
کہاں ٹھہرنا تھا اس کو کہاں ٹھہرنے لگا
ہمارے ساتھ رہی ہے سفر میں بے خبری
جنوں میں سوچ کا امکان کام کرنے لگا
بہت عجیب ہے باطن کی گمرہی اے رندؔ
سکوت ظاہری ٹکڑوں میں تھا بکھرنے لگا