बे-त'अल्लुक़ रूह का जब जिस्म से रिश्ता हुआ
घर में ला-वारिस पस-ए-मंज़र का सन्नाटा हुआ
धूप लहजे में नोकीला-पन कहाँ से लाएगी
हम ने देखा है शफ़क़-सूरज अभी बुझता हुआ
चाहता है दिल किसी से राज़ की बातें करे
फूल आधी रात का आँगन में है महका हुआ
सुर्ख़ मौसम की कहानी तो पुरानी हो गई
खुल गया मौसम तो सारे शहर में चर्चा हुआ
आसमाँ ज़हराब-मंज़र गुम-शुदा बेज़ारियाँ
लम्स तन्हाई का लगता है मुझे डसता हुआ
हर तरफ़ रोती हुई ख़ामोशियों का शोर है
देखना ये मेरी बस्ती में अचानक क्या हुआ
जिस्म मेरा जागता है दोनों आँखें बंद हैं
और सन्नाटा है मेरी रूह तक उतरा हुआ
'आफ़ियत गर चाहते हो 'रिंद' वापस घर चलो
अब तमाशा-गाह का मंज़र है कुछ बिगड़ा हुआ
be-ta'alluq ruuh kā jab jism se rishta huā
ghar meñ lā-vāris pas-e-manzar kā sannāTā huā
dhuup lahje meñ nokīlā-pan kahāñ se lā.egī
ham ne dekhā hai shafaq-sūraj abhī bujhtā huā
chāhtā hai dil kisī se raaz kī bāteñ kare
phuul aadhī raat kā āñgan meñ hai mahkā huā
surḳh mausam kī kahānī to purānī ho ga.ī
khul gayā mausam to saare shahr meñ charchā huā
āsmāñ zahrāb-manzar gum-shuda bezāriyāñ
lams tanhā.ī kā lagtā hai mujhe Dastā huā
har taraf rotī huī ḳhāmoshiyoñ kā shor hai
dekhnā ye merī bastī meñ achānak kyā huā
jism merā jāgtā hai donoñ āñkheñ band haiñ
aur sannāTā hai merī ruuh tak utrā huā
'āfiyat gar chāhte ho 'rind' vāpas ghar chalo
ab tamāshā-gāh kā manzar hai kuchh bigḌā huā
بے تعلق روح کا جب جسم سے رشتہ ہوا
گھر میں لا وارث پس منظر کا سناٹا ہوا
دھوپ لہجے میں نوکیلا پن کہاں سے لائے گی
ہم نے دیکھا ہے شفق سورج ابھی بجھتا ہوا
چاہتا ہے دل کسی سے راز کی باتیں کرے
پھول آدھی رات کا آنگن میں ہے مہکا ہوا
سرخ موسم کی کہانی تو پرانی ہو گئی
کھل گیا موسم تو سارے شہر میں چرچا ہوا
آسماں زہراب منظر گمشدہ بیزاریاں
لمس تنہائی کا لگتا ہے مجھے ڈستا ہوا
ہر طرف روتی ہوئی خاموشیوں کا شور ہے
دیکھنا یہ میری بستی میں اچانک کیا ہوا
جسم میرا جاگتا ہے دونوں آنکھیں بند ہیں
اور سناٹا ہے میری روح تک اترا ہوا
عافیت گر چاہتے ہو رندؔ واپس گھر چلو
اب تماشا گاہ کا منظر ہے کچھ بگڑا ہوا