दराज़-कामती तेरा हुनर गया आख़िर
जो क़द को मैं ने बढ़ाया तो सर गया आख़िर
वो जंग जीत के लौटा तो लोग पूछते थे
लहू उछालने वाला किधर गया आख़िर
करेगा कौन त'आक़ुब उदास लम्हों का
कि जो 'अलील था मुझ में वो मर गया आख़िर
जो एक लफ़्ज़ तड़पता था मेरे होंटों पर
वो कर्ब बन के लहू में उतर गया आख़िर
तिलिस्म तोड़ के एहसास-ओ-फ़िक्र-ओ-ख़्वाहिश का
ये कौन रूह को बेदार कर गया आख़िर
मुझे जुनून था तारों को तोड़ लाने का
मगर मैं ख़ुद ही ख़ला में बिखर गया आख़िर
तमाम 'उम्र के दुख-सुख को बाँट कर ऐ 'रिंद'
मिरा ग़नीम मिरे साथ मर गया आख़िर
darāz-qāmtī terā hunar gayā āḳhir
jo qad ko maiñ ne baḌhāyā to sar gayā āḳhir
vo jang jiit ke lauTā to log pūchhte the
lahū uchhālne vaalā kidhar gayā āḳhir
karegā kaun ta'āqub udaas lamhoñ kā
ki jo 'alīl thā mujh meñ vo mar gayā āḳhir
jo ek lafz taḌaptā thā mere hoñToñ par
vo karb ban ke lahū meñ utar gayā āḳhir
tilism toḌ ke ehsās-o-fikr-o-ḳhvāhish kā
ye kaun ruuh ko bedār kar gayā āḳhir
mujhe junūn thā tāroñ ko toḌ laane kā
magar maiñ ḳhud hī ḳhalā meñ bikhar gayā āḳhir
tamām 'umr ke dukh-sukh ko baañT kar ai 'rind'
mirā ġhanīm mire saath mar gayā āḳhir
دراز قامتی تیرا ہنر گیا آخر
جو قد کو میں نے بڑھایا تو سر گیا آخر
وہ جنگ جیت کے لوٹا تو لوگ پوچھتے تھے
لہو اچھالنے والا کدھر گیا آخر
کرے گا کون تعاقب اداس لمحوں کا
کہ جو علیل تھا مجھ میں وہ مر گیا آخر
جو ایک لفظ تڑپتا تھا میرے ہونٹوں پر
وہ کرب بن کے لہو میں اتر گیا آخر
طلسم توڑ کے احساس و فکر و خواہش کا
یہ کون روح کو بیدار کر گیا آخر
مجھے جنون تھا تاروں کو توڑ لانے کا
مگر میں خود ہی خلا میں بکھر گیا آخر
تمام عمر کے دکھ سکھ کو بانٹ کر اے رندؔ
مرا غنیم مرے ساتھ مر گیا آخر