उड़ाऊँ न क्यूँ तार-तार-ए-गरेबाँ
कि पर्दा-दरी है शिआ'र-ए-गरेबाँ
हर इक तार है दस्त-गीर-ए-तमाशा
किया ज़ोफ़ ने शर्मसार-ए-गरेबाँ
कतान-ओ-गुल-ओ-सीना-ए-अहल-ए-हसरत
बहुत चीज़ हैं यादगार-ए-गरेबाँ
अगर दुश्मनी बख़िया-गर को नहीं
तो क्यूँ इस क़दर दोस्त-दार-ए-गरेबाँ
यहीं क़ैद-ए-रस्म ख़लाइक़ पसंद
हर इक साँस है ख़ार-ख़ार-ए-गरेबाँ
वफ़ा है मिरी पेश-दस्त-ए-सलासिल
तिरा पर्दा है पेश-कार-ए-गरेबाँ
ये उड़ने में चालाक हर पारा है
रम-ए-दश्त-ए-वहशत शिकार-ए-गरेबाँ
कभी कोह में दश्त में है कभी
नहीं कुछ गुलू पर मदार-ए-गरेबाँ
'क़लक़' क्यूँ के पर्दा न उठता हमारा
कि है बख़िया-गर राज़-दार-ए-गरेबाँ
uḌā.ūñ na kyuuñ tār-tār-e-garebāñ
ki parda-darī hai shi.ār-e-garebāñ
har ik taar hai dast-gīr-e-tamāshā
kiyā zo.af ne sharmsār-e-garebāñ
katān-o-gul-o-sīna-e-ahl-e-hasrat
bahut chiiz haiñ yādgār-e-garebāñ
agar dushmanī baḳhiya-gar ko nahīñ
to kyuuñ is qadar dost-dār-e-garebāñ
yahīñ qaid-e-rasm ḳhalā.iq pasand
har ik saañs hai ḳhār-ḳhār-e-garebāñ
vafā hai mirī pesh-dast-e-salāsil
tirā parda hai pesh-kār-e-garebāñ
ye uḌne meñ chālāk har paara hai
ram-e-dasht-e-vahshat shikār-e-garebāñ
kabhī koh meñ dasht meñ hai kabhī
nahīñ kuchh gulū par madār-e-garebāñ
'qalaq' kyuuñ ke parda na uThtā hamārā
ki hai baḳhiya-gar rāz-dār-e-garebāñ
اڑاؤں نہ کیوں تار تار گریباں
کہ پردہ دری ہے شعار گریباں
ہر اک تار ہے دست گیر تماشا
کیا ضعف نے شرمسار گریباں
کتان و گل و سینۂ اہل حسرت
بہت چیز ہیں یادگار گریباں
اگر دشمنی بخیہ گر کو نہیں
تو کیوں اس قدر دوست دار گریباں
یہیں قید رسم خلائق پسند
ہر اک سانس ہے خار خار گریباں
وفا ہے مری پیش دست سلاسل
ترا پردہ ہے پیش کار گریباں
یہ اڑنے میں چالاک ہر پارہ ہے
رم دشت وحشت شکار گریباں
کبھی کوہ میں دشت میں ہے کبھی
نہیں کچھ گلو پر مدار گریباں
قلقؔ کیوں کے پردہ نہ اٹھتا ہمارا
کہ ہے بخیہ گر راز دار گریباں