उदासी छा गई चेहरे पे शम-ए-महफ़िल के
नसीम-ए-सुब्ह से शोले भड़क उठे दिल के
शरीक-ए-हाल नहीं है कोई तो क्या परवा
दलील-ए-राह-ए-मोहब्बत हैं वलवले दिल के
अजब नहीं कि बपा हो यहीं से फ़ित्ना-ए-हश्र
ज़माने भर में हैं सारे फ़साद इसी दिल के
न संग-ए-मील न नक़्श-ए-क़दम न बाँग-ए-जरस
भटक न जाएँ मुसाफ़िर अदम की मंज़िल के
ख़ुशी के मारे ज़मीं पर क़दम नहीं रखते
जब आए क़ाफ़िले वाले क़रीब मंज़िल के
नज़ारा-ए-रुख़-ए-लैला मुबारक ऐ मजनूँ
निगाह-ए-शौक़ ने पर्दे उठाए महमिल के
मुशाहिदे को इक आईना-ए-जमाल दिया
कमाल-ए-इश्क़ ने जौहर दिखा दिए दिल के
ज़बान-ए-'यास' से अफ़्साना-ए-सहर सुनिए
वो रोना शम्अ का परवानों से गले मिल के
udāsī chhā ga.ī chehre pe sham-e-mahfil ke
nasīm-e-sub.h se shole bhaḌak uThe dil ke
sharīk-e-hāl nahīñ hai koī to kyā parvā
dalīl-e-rāh-e-mohabbat haiñ valvale dil ke
ajab nahīñ ki bapā ho yahīñ se fitna-e-hashr
zamāne bhar meñ haiñ saare fasād isī dil ke
na sañg-e-mīl na naqsh-e-qadam na bāñg-e-jaras
bhaTak na jaa.eñ musāfir adam kī manzil ke
ḳhushī ke maare zamīñ par qadam nahīñ rakhte
jab aa.e qāfile vaale qarīb manzil ke
nazāra-e-ruḳh-e-lailā mubārak ai majnūñ
nigāh-e-shauq ne parde uThā.e mahmil ke
mushāhide ko ik ā.īna-e-jamāl diyā
kamāl-e-ishq ne jauhar dikhā diye dil ke
zabān-e-'yās' se afsāna-e-sahar suniye
vo ronā sham.a kā parvānoñ se gale mil ke
اداسی چھا گئی چہرے پہ شمع محفل کے
نسیم صبح سے شعلے بھڑک اٹھے دل کے
شریک حال نہیں ہے کوئی تو کیا پروا
دلیل راہ محبت ہیں ولولے دل کے
عجب نہیں کہ بپا ہو یہیں سے فتنۂ حشر
زمانے بھر میں ہیں سارے فساد اسی دل کے
نہ سنگ میل نہ نقش قدم نہ بانگ جرس
بھٹک نہ جائیں مسافر عدم کی منزل کے
خوشی کے مارے زمیں پر قدم نہیں رکھتے
جب آئے قافلے والے قریب منزل کے
نظارۂ رخ لیلیٰ مبارک اے مجنوں
نگاہ شوق نے پردے اٹھائے محمل کے
مشاہدے کو اک آئینۂ جمال دیا
کمال عشق نے جوہر دکھا دئے دل کے
زبان یاسؔ سے افسانۂ سحر سنیے
وہ رونا شمع کا پروانوں سے گلے مل کے