उड़ा सकता नहीं कोई मिरे अंदाज़-ए-शेवन को
ब-मुश्किल कुछ सिखाया है नवा-संजान-ए-गुलशन को
गरेबाँ चाक करने का सबब वहशी ने फ़रमाया
कि उस के तार ले कर मैं सियूंगा चाक-ए-दामन को
बहार आते ही बटती हैं ये चीज़ें क़ैद-ख़ानों में
सलासिल हाथ को पाँव को बेड़ी तौक़ गर्दन को
झड़ी ऐसी लगा दी है मिरे अश्कों की बारिश ने
दबा रक्खा है भादों को भुला रक्खा है सावन को
दिल-ए-मरहूम की मय्यत इजाज़त दो तो रख दें हम
तिरे तलवे-बराबर ही ज़मीं काफ़ी है मदफ़न को
इजाज़त दो तो सारी अंजुमन के दिल हिला दूँ मैं
समझ रक्खा है तुम ने हेच तासीरात-ए-शेवन को
सुलूक-ए-पीर-ए-मय-ख़ाना की ऐ साक़ी तलाफ़ी क्या
ब-जुज़ इस के दुआएँ दो उसे फैला के दामन को
uḌā saktā nahīñ koī mire andāz-e-shevan ko
ba-mushkil kuchh sikhāyā hai navā-sanjān-e-gulshan ko
garebāñ chaak karne kā sabab vahshī ne farmāyā
ki us ke taar le kar maiñ siyūñgā chāk-e-dāman ko
bahār aate hī baTtī haiñ ye chīzeñ qaid-ḳhānoñ meñ
salāsil haath ko paañv ko beḌī tauq gardan ko
jhaḌī aisī lagā dī hai mire ashkoñ kī bārish ne
dabā rakkhā hai bhādoñ ko bhulā rakkhā hai sāvan ko
dil-e-marhūm kī mayyat ijāzat do to rakh deñ ham
tire talve-barābar hī zamīñ kaafī hai madfan ko
ijāzat do to saarī anjuman ke dil hilā duuñ maiñ
samajh rakkhā hai tum ne hech tāsīrāt-e-shevan ko
sulūk-e-pīr-e-mai-ḳhāna kī ai saaqī talāfī kyā
ba-juz is ke duā.eñ do use phailā ke dāman ko
اڑا سکتا نہیں کوئی مرے انداز شیون کو
بمشکل کچھ سکھایا ہے نوا سنجان گلشن کو
گریباں چاک کرنے کا سبب وحشی نے فرمایا
کہ اس کے تار لے کر میں سیوں گا چاک دامن کو
بہار آتے ہی بٹتی ہیں یہ چیزیں قید خانوں میں
سلاسل ہاتھ کو پاؤں کو بیڑی طوق گردن کو
جھڑی ایسی لگا دی ہے مرے اشکوں کی بارش نے
دبا رکھا ہے بھادوں کو بھلا رکھا ہے ساون کو
دل مرحوم کی میت اجازت دو تو رکھ دیں ہم
ترے تلوے برابر ہی زمیں کافی ہے مدفن کو
اجازت دو تو ساری انجمن کے دل ہلا دوں میں
سمجھ رکھا ہے تم نے ہیچ تاثیرات شیون کو
سلوک پیر مے خانہ کی اے ساقی تلافی کیا
بجز اس کے دعائیں دو اسے پھیلا کے دامن کو