तुम्हें भी चाहा, ज़माने से भी वफ़ा की थी
ये निग्हदारी जुनूँ ने जुदा जुदा की थी
वो सारा क़िस्सा फ़क़त रख-रखाव का तो न था
उस एक नाम से निस्बत भी इंतिहा की थी
किसी छबीले में वो छब नज़र नहीं आई
वो एक छब कि जो उस आईना-क़बा की थी
ख़ुदा! सिला दे दुआ का, मोहब्बतों के ख़ुदा
ख़ुदा! किसी ने किसी के लिए दुआ की थी
मैं अपना चेहरा कहाँ ढूँढता फिरूंगा अब
कि मैं ने तेरी जबीं अपना आइना की थी
हमें तबाह तो होना था अपनी अपनी जगह!
तवील जंग थी और जंग भी अना की थी
सबा-नफ़स था वो और मैं था गर्द-बाद-मिज़ाज
हमारे बीच थी जो क़द्र सो हवा की थी
tumheñ bhī chāhā, zamāne se bhī vafā kī thī
ye nig.h-dārī junūñ ne judā judā kī thī
vo saarā qissa faqat rakh-rakhāv kā to na thā
us ek naam se nisbat bhī intihā kī thī
kisī chhabīle meñ vo chhab nazar nahīñ aa.ī
vo ek chhab ki jo us ā.īna-qabā kī thī
ḳhudā! sila de duā kaa, mohabbatoñ ke ḳhudā
ḳhudā! kisī ne kisī ke liye duā kī thī
maiñ apnā chehra kahāñ DhūñDhtā phiruñgā ab
ki maiñ ne terī jabīñ apnā aa.inā kī thī
hameñ tabāh to honā thā apnī apnī jagah!
tavīl jañg thī aur jañg bhī anā kī thī
sabā-nafas thā vo aur maiñ thā gard-bād-mizāj
hamāre biich thī jo qadr so havā kī thī
تمہیں بھی چاہا، زمانے سے بھی وفا کی تھی
یہ نگہ داری جنوں نے جدا جدا کی تھی
وہ سارا قصہ فقط رکھ رکھاؤ کا تو نہ تھا
اس ایک نام سے نسبت بھی انتہا کی تھی
کسی چھبیلے میں وہ چھب نظر نہیں آئی
وہ ایک چھب کہ جو اس آئینہ قبا کی تھی
خدا! صلہ دے دعا کا، محبتوں کے خدا
خدا! کسی نے کسی کے لیے دعا کی تھی
میں اپنا چہرہ کہاں ڈھونڈھتا پھروں گا اب
کہ میں نے تیری جبیں اپنا آئنا کی تھی
ہمیں تباہ تو ہونا تھا اپنی اپنی جگہ!
طویل جنگ تھی اور جنگ بھی انا کی تھی
صبا نفس تھا وہ اور میں تھا گرد باد مزاج
ہمارے بیچ تھی جو قدر سو ہوا کی تھی