कोई वुजूद है दुनिया में कोई परछाईं
सो हर कोई नहीं होता किसी की परछाईं
मिरे वुजूद को मानो तो साथ चलता हूँ
कि मैं तो बन न सकूँगा तुम्हारी परछाईं
यही चराग़ है सब कुछ कि दिल कहें जिस को
अगर ये बुझ गया तो आदमी भी परछाईं
कई दिनों से मिरे साथ साथ चलती है
कोई उदास सी ठंडी सी कोई परछाईं
मैं अपना-आप समझता रहा जिसे ता-'उम्र
वो मेरे जैसा हयूला था मेरी परछाईं
न ख़ुश हो कोई भी तेज़ी से बढ़ती क़ामत पर
पस-ए-ग़ुरूब न होगी बिचारी परछाईं
गुमान-ए-हस्त है हस्ती का आईना-ख़ाना
सो अपने-आप को भी जान अपनी परछाईं
मैं निस्फ़ सच की तरह हूँ भी और नहीं भी हूँ
कि आधा जिस्म है मेरा तो आधी परछाईं
फिर उस से उस के तग़ाफ़ुल का क्या गिला करना
कि 'इफ़्तिख़ार'-मुग़ल वो तो थी ही परछाईं
koī vujūd hai duniyā meñ koī parchhā.īñ
so har koī nahīñ hotā kisī kī parchhā.īñ
mire vujūd ko maano to saath chaltā huuñ
ki maiñ to ban na sakūñgā tumhārī parchhā.īñ
yahī charāġh hai sab kuchh ki dil kaheñ jis ko
agar ye bujh gayā to aadmī bhī parchhā.īñ
ka.ī dinoñ se mire saath saath chaltī hai
koī udaas sī ThanDī sī koī parchhā.īñ
maiñ apnā-āp samajhtā rahā jise tā-'umr
vo mere jaisā hayūlā thā merī parchhā.īñ
na ḳhush ho koī bhī tezī se baḌhtī qāmat par
pas-e-ġhurūb na hogī bichārī parchhā.īñ
gumān-e-hast hai hastī kā ā.īna-ḳhāna
so apne-āp ko bhī jaan apnī parchhā.īñ
maiñ nisf sach kī tarah huuñ bhī aur nahīñ bhī huuñ
ki aadhā jism hai merā to aadhī parchhā.īñ
phir us se us ke taġhāful kā kyā gila karnā
ki 'iftiḳhār'-muġhal vo to thī hī parchhā.īñ
کوئی وجود ہے دنیا میں کوئی پرچھائیں
سو ہر کوئی نہیں ہوتا کسی کی پرچھائیں
مرے وجود کو مانو تو ساتھ چلتا ہوں
کہ میں تو بن نہ سکوں گا تمہاری پرچھائیں
یہی چراغ ہے سب کچھ کہ دل کہیں جس کو
اگر یہ بجھ گیا تو آدمی بھی پرچھائیں
کئی دنوں سے مرے ساتھ ساتھ چلتی ہے
کوئی اداس سی ٹھنڈی سی کوئی پرچھائیں
میں اپنا آپ سمجھتا رہا جسے تا عمر
وہ میرے جیسا ہیولیٰ تھا میری پرچھائیں
نہ خوش ہو کوئی بھی تیزی سے بڑھتی قامت پر
پس غروب نہ ہوگی بچاری پرچھائیں
گمان ہست ہے ہستی کا آئینہ خانہ
سو اپنے آپ کو بھی جان اپنی پرچھائیں
میں نصف سچ کی طرح ہوں بھی اور نہیں بھی ہوں
کہ آدھا جسم ہے میرا تو آدھی پرچھائیں
پھر اس سے اس کے تغافل کا کیا گلہ کرنا
کہ افتخارؔ مغل وہ تو تھی ہی پرچھائیں