रख-रखाव में कोई ख़्वार नहीं होता यार
दोस्त होते हैं, हर इक यार नहीं होता यार
दो घड़ी बैठो मिरे पास, कहो कैसी हो
दो घड़ी बैठने से प्यार नहीं होता यार
यार! ये हिज्र का ग़म! इस से तो मौत अच्छी है
जाँ से यूँ ही कोई बेज़ार नहीं होता यार
रूह सुनती है मोहब्बत में बदन बोलते हैं
लफ़्ज़ पैराया-ए-इज़हार नहीं होता यार
नौकरी, शाइ'री, घर-बार, ज़माना, क़द्रें
इक मोहब्बत ही का आज़ार नहीं होता यार
ख़ुश-दिली और है और इश्क़ का आज़ार कुछ और
प्यार हो जाए तो इक़रार नहीं होता यार
लड़कियाँ लफ़्ज़ की तस्वीर छुपा लेती हैं
उन का इज़हार भी इज़हार नहीं होता यार
आदमी इश्क़ में भी ख़ुद से नहीं घट सकता
आदमी साया-ए-दीवार नहीं होता यार!!
घेर लेती है कोई ज़ुल्फ़, कोई बू-ए-बदन
जान कर कोई गिरफ़्तार नहीं होता यार
यही हम आप हैं हस्ती की कहानी, इस में
कोई अफ़्सानवी किरदार नहीं होता यार
rakh-rakhāv meñ koī ḳhvār nahīñ hotā yaar
dost hote haiñ, har ik yaar nahīñ hotā yaar
do ghaḌī baiTho mire paas, kaho kaisī ho
do ghaḌī baiThne se pyaar nahīñ hotā yaar
yaar! ye hijr kā ġham! is se to maut achchhī hai
jaañ se yuuñ hī koī bezār nahīñ hotā yaar
ruuh suntī hai mohabbat meñ badan bolte haiñ
lafz pairāya-e-iz.hār nahīñ hotā yaar
naukrī, shā.irī, ghar-bār, zamāna, qadreñ
ik mohabbat hī kā āzār nahīñ hotā yaar
ḳhush-dilī aur hai aur ishq kā āzār kuchh aur
pyaar ho jaa.e to iqrār nahīñ hotā yaar
laḌkiyāñ lafz kī tasvīr chhupā letī haiñ
un kā iz.hār bhī iz.hār nahīñ hotā yaar
aadmī ishq meñ bhī ḳhud se nahīñ ghaT saktā
aadmī sāya-e-dīvār nahīñ hotā yār!!
gher letī hai koī zulf, koī bū-e-badan
jaan kar koī giraftār nahīñ hotā yaar
yahī ham aap haiñ hastī kī kahānī, is meñ
koī afsānvī kirdār nahīñ hotā yaar
رکھ رکھاؤ میں کوئی خوار نہیں ہوتا یار
دوست ہوتے ہیں، ہر اک یار نہیں ہوتا یار
دو گھڑی بیٹھو مرے پاس، کہو کیسی ہو
دو گھڑی بیٹھنے سے پیار نہیں ہوتا یار
یار! یہ ہجر کا غم! اس سے تو موت اچھی ہے
جاں سے یوں ہی کوئی بیزار نہیں ہوتا یار
روح سنتی ہے محبت میں بدن بولتے ہیں
لفظ پیرایۂ اظہار نہیں ہوتا یار
نوکری، شاعری، گھر بار، زمانہ، قدریں
اک محبت ہی کا آزار نہیں ہوتا یار
خوش دلی اور ہے اور عشق کا آزار کچھ اور
پیار ہو جائے تو اقرار نہیں ہوتا یار
لڑکیاں لفظ کی تصویر چھپا لیتی ہیں
ان کا اظہار بھی اظہار نہیں ہوتا یار
آدمی عشق میں بھی خود سے نہیں گھٹ سکتا
آدمی سایۂ دیوار نہیں ہوتا یار!!
گھیر لیتی ہے کوئی زلف، کوئی بوئے بدن
جان کر کوئی گرفتار نہیں ہوتا یار
یہی ہم آپ ہیں ہستی کی کہانی، اس میں
کوئی افسانوی کردار نہیں ہوتا یار