किसी सबब से अगर बोलता नहीं हूँ मैं
तो यूँ नहीं कि तुझे सोचता नहीं हूँ मैं
मैं तुम को ख़ुद से जुदा कर के किस तरह देखूँ
कि मैं भी तुम हूँ, कोई दूसरा नहीं हूँ मैं
तो ये भी तय! कि बिछड़ कर भी लोग जीते हैं
मैं जी रहा हूँ अगरचे जिया नहीं हूँ मैं
किसी में कोई बड़ा-पन मुझे दिखाई न दे
ख़ुदा का शुक्र कि इतना बड़ा नहीं हूँ मैं
मिरी उठान की हर ईंट मैं ने रक्खी है
मैं ख़ुद बना हूँ बनाया हुआ नहीं हूँ मैं
यहाँ जो आएगा वो ख़ुद को हार जाएगा
क़िमार-ख़ाना-ए-जाँ में नया नहीं हूँ मैं
मिरे वजूद के अंदर मुझे तलाश न कर
कि इस मकान में अक्सर रहा नहीं हूँ मैं
मैं एक उम्र से ख़ुद को तलाशता हूँ मगर
मुझे यक़ीन नहीं, हूँ भी या नहीं हूँ मैं
मैं इक गुमान का इम्काँ हूँ 'इफ़्तिख़ार'-मुग़ल
कि हो तो सकता हूँ लेकिन हुआ नहीं हूँ मैं
kisī sabab se agar boltā nahīñ huuñ maiñ
to yuuñ nahīñ ki tujhe sochtā nahīñ huuñ maiñ
maiñ tum ko ḳhud se judā kar ke kis tarah dekhūñ
ki maiñ bhī tum huuñ, koī dūsrā nahīñ huuñ maiñ
to ye bhī tai! ki bichhaḌ kar bhī log jiite haiñ
maiñ jī rahā huuñ agarche jiyā nahīñ huuñ maiñ
kisī meñ koī baḌā-pan mujhe dikhā.ī na de
ḳhudā kā shukr ki itnā baḌā nahīñ huuñ maiñ
mirī uThān kī har iiñT maiñ ne rakkhī hai
maiñ ḳhud banā huuñ banāyā huā nahīñ huuñ maiñ
yahāñ jo aa.egā vo ḳhud ko haar jā.egā
qimār-ḳhāna-e-jāñ meñ nayā nahīñ huuñ maiñ
mire vajūd ke andar mujhe talāsh na kar
ki is makān meñ aksar rahā nahīñ huuñ maiñ
maiñ ek umr se ḳhud ko talāshtā huuñ magar
mujhe yaqīn nahīñ, huuñ bhī yā nahīñ huuñ maiñ
maiñ ik gumān kā imkāñ huuñ 'iftiḳhār'-muġhal
ki ho to saktā huuñ lekin huā nahīñ huuñ maiñ
کسی سبب سے اگر بولتا نہیں ہوں میں
تو یوں نہیں کہ تجھے سوچتا نہیں ہوں میں
میں تم کو خود سے جدا کر کے کس طرح دیکھوں
کہ میں بھی تم ہوں، کوئی دوسرا نہیں ہوں میں
تو یہ بھی طے! کہ بچھڑ کر بھی لوگ جیتے ہیں
میں جی رہا ہوں اگرچہ جیا نہیں ہوں میں
کسی میں کوئی بڑا پن مجھے دکھائی نہ دے
خدا کا شکر کہ اتنا بڑا نہیں ہوں میں
مری اٹھان کی ہر اینٹ میں نے رکھی ہے
میں خود بنا ہوں بنایا ہوا نہیں ہوں میں
یہاں جو آئے گا وہ خود کو ہار جائے گا
قمار خانۂ جاں میں نیا نہیں ہوں میں
مرے وجود کے اندر مجھے تلاش نہ کر
کہ اس مکان میں اکثر رہا نہیں ہوں میں
میں ایک عمر سے خود کو تلاشتا ہوں مگر
مجھے یقین نہیں، ہوں بھی یا نہیں ہوں میں
میں اک گمان کا امکاں ہوں افتخارؔ مغل
کہ ہو تو سکتا ہوں لیکن ہوا نہیں ہوں میں