इक ख़ला, एक ला-इंतिहा और मैं
कितने तन्हा हैं मेरा ख़ुदा और मैं
कितने नज़दीक और किस क़दर अजनबी!!
मुझ में मुझ सा कोई दूसरा और मैं
लोग भी सो गए, रोग भी सो गए
जागते हैं मिरा रत-जगा और मैं
रात और रात में गूँजती एक बात
एक ख़ौफ़, इक मुंडेर, इक दिया और मैं
शहर ताराज है, जब्र का राज है
फिर भी साबित हैं मेरी अना और मैं
तेरे मौसम, तिरी गुफ़्तुगू और तू
मेरी आँखों में इक अन-कहा, और मैं
अब तो इस जंग का फ़ैसला हो कोई
लड़ रहे हैं अज़ल से हवा और मैं
रंग, ख़ुशबू, शफ़क़, चाँदनी, शाएरी
लिख रहा था मैं, उस ने कहा ''और मैं!''
उस की बात और है, वर्ना ऐ 'इफ़्तिख़ार'
उस को मा'लूम है, इल्तिजा और मैं
ik ḳhalā, ek lā-intihā aur maiñ
kitne tanhā haiñ merā ḳhudā aur maiñ
kitne nazdīk aur kis qadar ajnabī!!
mujh meñ mujh sā koī dūsrā aur maiñ
log bhī so ga.e, rog bhī so ga.e
jāgte haiñ mirā rat-jagā aur maiñ
raat aur raat meñ gūñjtī ek baat
ek ḳhauf, ik muñDer, ik diyā aur maiñ
shahr tārāj hai, jabr kā raaj hai
phir bhī sābit haiñ merī anā aur maiñ
tere mausam, tirī guftugū aur tū
merī āñkhoñ meñ ik an-kahā, aur maiñ
ab to is jañg kā faisla ho koī
laḌ rahe haiñ azal se havā aur maiñ
rañg, ḳhushbū, shafaq, chāñdnī, shā.erī
likh rahā thā maiñ, us ne kahā ''aur maiñ!''
us kī baat aur hai, varna ai 'iftiḳhār'
us ko ma.alūm hai, iltijā aur maiñ
اک خلا، ایک لا انتہا اور میں
کتنے تنہا ہیں میرا خدا اور میں
کتنے نزدیک اور کس قدر اجنبی!!
مجھ میں مجھ سا کوئی دوسرا اور میں
لوگ بھی سو گئے، روگ بھی سو گئے
جاگتے ہیں مرا رت جگا اور میں
رات اور رات میں گونجتی ایک بات
ایک خوف، اک منڈیر، اک دیا اور میں
شہر تاراج ہے، جبر کا راج ہے
پھر بھی ثابت ہیں میری انا اور میں
تیرے موسم، تری گفتگو اور تو
میری آنکھوں میں اک ان کہا، اور میں
اب تو اس جنگ کا فیصلہ ہو کوئی
لڑ رہے ہیں ازل سے ہوا اور میں
رنگ، خوشبو، شفق، چاندنی، شاعری
لکھ رہا تھا میں، اس نے کہا ''اور میں!''
اس کی بات اور ہے، ورنہ اے افتخارؔ
اس کو معلوم ہے، التجا اور میں