तुम्हारा ज़ौक़-ए-परस्तिश मुझे अज़ीज़ मगर
मैं इस ज़मीन की मिट्टी मुझे ख़ुदा न कहो
तुम्हारे साथ अगर दो-क़दम भी चल न सकूँ
तो ख़स्ता-पा हूँ मुझे मुजरिम-ए-वफ़ा न कहो
ये एक पल की धड़कती हयात भी है बहुत
तमाम-उम्र के इस रोग को बुरा न कहो
इस एक ख़ौफ़ से लब सी लिए तुम्हारे हुज़ूर
कि हर्फ़-ए-शौक़ को इज़हार-ए-मुद्दआ न कहो
ये बे-रुख़ी का गिला मुझ से पहले ख़ुद से करो
उसे निगाह का यक-तरफ़ा फ़ैसला न कहो
गुज़रते वक़्त के मरहम से भर न जाए कहीं
इस एक ज़ख़्म को चाहत की इंतिहा न कहो
मैं एक ज़िंदा हक़ीक़त हूँ एक पल ही सही
तुम्हारा अक्स हूँ तुम तो मुझे फ़ना न कहो
tumhārā zauq-e-parastish mujhe aziiz magar
maiñ is zamīn kī miTTī mujhe ḳhudā na kaho
tumhāre saath agar do-qadam bhī chal na sakūñ
to ḳhasta-pā huuñ mujhe mujrim-e-vafā na kaho
ye ek pal kī dhaḌaktī hayāt bhī hai bahut
tamām-umr ke is rog ko burā na kaho
is ek ḳhauf se lab sī liye tumhāre huzūr
ki harf-e-shauq ko iz.hār-e-mudda.ā na kaho
ye be-ruḳhī kā gilā mujh se pahle ḳhud se karo
use nigāh kā yak-tarfa faisla na kaho
guzarte vaqt ke marham se bhar na jaa.e kahīñ
is ek zaḳhm ko chāhat kī intihā na kaho
maiñ ek zinda haqīqat huuñ ek pal hī sahī
tumhārā aks huuñ tum to mujhe fanā na kaho
تمہارا ذوق پرستش مجھے عزیز مگر
میں اس زمین کی مٹی مجھے خدا نہ کہو
تمہارے ساتھ اگر دو قدم بھی چل نہ سکوں
تو خستہ پا ہوں مجھے مجرم وفا نہ کہو
یہ ایک پل کی دھڑکتی حیات بھی ہے بہت
تمام عمر کے اس روگ کو برا نہ کہو
اس ایک خوف سے لب سی لیے تمہارے حضور
کہ حرف شوق کو اظہار مدعا نہ کہو
یہ بے رخی کا گلا مجھ سے پہلے خود سے کرو
اسے نگاہ کا یک طرفہ فیصلہ نہ کہو
گزرتے وقت کے مرہم سے بھر نہ جائے کہیں
اس ایک زخم کو چاہت کی انتہا نہ کہو
میں ایک زندہ حقیقت ہوں ایک پل ہی سہی
تمہارا عکس ہوں تم تو مجھے فنا نہ کہو