तुम से दो हर्फ़ का ख़त भी नहीं लिक्खा जाता
जाओ अब यूँ भी त'अल्लुक़ नहीं तोड़ा जाता
दिल का अहवाल न पूछो कि बहुत रोज़ हुए
इस ख़राबे की तरफ़ मैं नहीं आता जाता
तिश्नगी ने कभी दरियाओं से मिलने न दिया
हम जिधर जाते उसी राह में सहरा जाता
ज़िंदगी! रहने भी दे सोच की हद होती है
इतना सोचा है कि सदियों में न सोचा जाता
उस को अंदाज़-ए-तग़ाफ़ुल भी न आया अब तक
भूलने ही को सही याद तो रक्खा जाता
हाए वो दौर कि आँसू भी न थे आँखों में
और चेहरा था कि बे-रोए भी भीगा जाता
भूलता ही नहीं वो मरहला-ए-राज़-ओ-नियाज़
हम मनाते तो कोई और भी रूठा जाता
पस-ए-दीवार का मंज़र भी गया अपने साथ
सहन-ए-वीरान से पत्थर कहाँ फेंका जाता
शाम होते ही कोई शम' जला रखनी थी
जब दरीचे से हवा आती तो देखा जाता
रौशनी अपने घरोंदों में छुपी थी वर्ना
शहर के शहर पे शब-ख़ून न मारा जाता
इतने आँसू मिरी आँखों में कहाँ थे 'क़ैसर'
'उम्र भर दिल के जनाज़े पे जो रोया जाता
tum se do harf kā ḳhat bhī nahīñ likkhā jaatā
jaao ab yuuñ bhī ta'alluq nahīñ toḌā jaatā
dil kā ahvāl na pūchho ki bahut roz hue
is ḳharābe kī taraf maiñ nahīñ aatā jaatā
tishnagī ne kabhī dariyāoñ se milne na diyā
ham jidhar jaate usī raah meñ sahrā jaatā
zindagī! rahne bhī de soch kī had hotī hai
itnā sochā hai ki sadiyoñ meñ na sochā jaatā
us ko andāz-e-taġhāful bhī na aayā ab tak
bhūlne hī ko sahī yaad to rakkhā jaatā
haa.e vo daur ki aañsū bhī na the āñkhoñ meñ
aur chehrā thā ki be-ro.e bhī bhīgā jaatā
bhūltā hī nahīñ vo marhala-e-rāz-o-niyāz
ham manāte to koī aur bhī rūThā jaatā
pas-e-dīvār kā manzar bhī gayā apne saath
sahn-e-vīrān se patthar kahāñ pheñkā jaatā
shaam hote hī koī sham' jalā rakhnī thī
jab darīche se havā aatī to dekhā jaatā
raushnī apne gharoñdoñ meñ chhupī thī varna
shahr ke shahr pe shab-ḳhūn na maarā jaatā
itne aañsū mirī āñkhoñ meñ kahāñ the 'qaisar'
'umr bhar dil ke janāze pe jo royā jaatā
تم سے دو حرف کا خط بھی نہیں لکھا جاتا
جاؤ اب یوں بھی تعلق نہیں توڑا جاتا
دل کا احوال نہ پوچھو کہ بہت روز ہوئے
اس خرابے کی طرف میں نہیں آتا جاتا
تشنگی نے کبھی دریاؤں سے ملنے نہ دیا
ہم جدھر جاتے اسی راہ میں صحرا جاتا
زندگی! رہنے بھی دے سوچ کی حد ہوتی ہے
اتنا سوچا ہے کہ صدیوں میں نہ سوچا جاتا
اس کو انداز تغافل بھی نہ آیا اب تک
بھولنے ہی کو سہی یاد تو رکھا جاتا
ہائے وہ دور کہ آنسو بھی نہ تھے آنکھوں میں
اور چہرا تھا کہ بے روئے بھی بھیگا جاتا
بھولتا ہی نہیں وہ مرحلۂ راز و نیاز
ہم مناتے تو کوئی اور بھی روٹھا جاتا
پس دیوار کا منظر بھی گیا اپنے ساتھ
صحن ویران سے پتھر کہاں پھینکا جاتا
شام ہوتے ہی کوئی شمع جلا رکھنی تھی
جب دریچے سے ہوا آتی تو دیکھا جاتا
روشنی اپنے گھروندوں میں چھپی تھی ورنہ
شہر کے شہر پہ شب خون نہ مارا جاتا
اتنے آنسو مری آنکھوں میں کہاں تھے قیصرؔ
عمر بھر دل کے جنازے پہ جو رویا جاتا