तुझ से क्या निस्बत कि थे लैला के काले हाथ पाँव
हक़ ने तेरे नूर के साँचे में ढाले हाथ पाँव
हाथ पकड़े मुझ को खींचे फिर सू-ए-दश्त-ए-बला
ऐ जुनूँ अब कर दिए तेरे हवाले हाथ पाँव
ख़्वाह बाँधें ख़्वाह जकड़ें इन को ज़ंजीरों में वो
हम ने उन ज़ुल्फ़ों के हाथों बेच डाले हाथ पाँव
हाथ उलझे जेब से फिर पाँव लिपटे ख़ार से
हम ने ज़िंदाँ से निकलते ही निकाले हाथ पाँव
सर सिनाँ ने सीना ख़ंजर ने लिया नावक ने दिल
हैं ये तेरी नज़्र ऐ तेग़-ए-जफ़ा ले हाथ पाँव
कर दिया है चूर हम को नश्शा-ए-उल्फ़त ने 'दाग़'
अब भला कोई सँभलते हैं सँभाले हाथ पाँव
tujh se kyā nisbat ki the lailā ke kaale haath paañv
haq ne tere nuur ke sāñche meñ Dhāle haath paañv
haath pakḌe mujh ko khīñche phir sū-e-dasht-e-balā
ai junūñ ab kar diye tere havāle haath paañv
ḳhvāh bāñdheñ ḳhvāh jakḌeñ in ko zanjīroñ meñ vo
ham ne un zulfoñ ke hāthoñ bech Daale haath paañv
haath uljhe jeb se phir paañv lipTe ḳhaar se
ham ne zindāñ se nikalte hī nikāle haath paañv
sar sināñ ne siina ḳhanjar ne liyā nāvak ne dil
haiñ ye terī nazr ai teġh-e-jafā le haath paañv
kar diyā hai chuur ham ko nashsha-e-ulfat ne 'dāġh'
ab bhalā koī sañbhalte haiñ sañbhāle haath paañv
تجھ سے کیا نسبت کہ تھے لیلیٰ کے کالے ہاتھ پاؤں
حق نے تیرے نور کے سانچے میں ڈھالے ہاتھ پاؤں
ہاتھ پکڑے مجھ کو کھینچے پھر سوئے دشت بلا
اے جنوں اب کر دئے تیرے حوالے ہاتھ پاؤں
خواہ باندھیں خواہ جکڑیں ان کو زنجیروں میں وہ
ہم نے ان زلفوں کے ہاتھوں بیچ ڈالے ہاتھ پاؤں
ہاتھ الجھے جیب سے پھر پاؤں لپٹے خار سے
ہم نے زنداں سے نکلتے ہی نکالے ہاتھ پاؤں
سر سناں نے سینہ خنجر نے لیا ناوک نے دل
ہیں یہ تیری نذر اے تیغ جفا لے ہاتھ پاؤں
کر دیا ہے چور ہم کو نشۂ الفت نے داغؔ
اب بھلا کوئی سنبھلتے ہیں سنبھالے ہاتھ پاؤں