तिरी जफ़ा ब-ख़ुदा बाइ'स-ए-गज़ंद नहीं
मज़ाक़-ए-इश्क़ तिरा कुछ मगर बुलंद नहीं
नियाज़-ए-हुस्न के क़ाबिल तो मैं नहीं लेकिन
ये किस तरह से कहूँ मैं नियाज़-मंद नहीं
उसे ख़बर नहीं क्या शय है इशरत-ए-अबदी
जो तेरे दर्द-ए-मोहब्बत से बहरा-मंद नहीं
बड़ा हो कोई तो ख़ातिर में हम नहीं लाते
जो पस्त हो के मोहब्बत में सर-बुलंद नहीं
नज़र के सामने फिरती है किस लिए हर दम
वो इक अदा जो उसे ख़ुद भी कुछ पसंद नहीं
नहीं कि शर्म-ओ-हया वस्फ़-ए-ख़ास है उस का
कि ये हिजाबी-ओ-शोख़ी में वो भी बंद नहीं
हज़ार काम हैं ऐसे जिन्हें मैं करता हूँ
अगरचे दिल से मुझे एक भी पसंद नहीं
सताने वालों से अपने ये पूछता हूँ 'जलील'
तुम्हारे सीनों में क्या क़ल्ब-ए-दर्द-मंद नहीं
tirī jafā ba-ḳhudā bā.is-e-gazand nahīñ
mazāq-e-ishq tirā kuchh magar buland nahīñ
niyāz-e-husn ke qābil to maiñ nahīñ lekin
ye kis tarah se kahūñ maiñ niyāz-mand nahīñ
use ḳhabar nahīñ kyā shai hai ishrat-e-abadī
jo tere dard-e-mohabbat se bahra-mand nahīñ
baḌā ho koī to ḳhātir meñ ham nahīñ laate
jo past ho ke mohabbat meñ sar-buland nahīñ
nazar ke sāmne phirtī hai kis liye har dam
vo ik adā jo use ḳhud bhī kuchh pasand nahīñ
nahīñ ki sharm-o-hayā vasf-e-ḳhās hai us kā
ki ye hijābī-o-shoḳhī meñ vo bhī band nahīñ
hazār kaam haiñ aise jinheñ maiñ kartā huuñ
agarche dil se mujhe ek bhī pasand nahīñ
satāne vāloñ se apne ye pūchhtā huuñ 'jalīl'
tumhāre sīnoñ meñ kyā qalb-e-dard-mand nahīñ
تری جفا بخدا باعث گزند نہیں
مذاق عشق ترا کچھ مگر بلند نہیں
نیاز حسن کے قابل تو میں نہیں لیکن
یہ کس طرح سے کہوں میں نیاز مند نہیں
اسے خبر نہیں کیا شے ہے عشرت ابدی
جو تیرے درد محبت سے بہرہ مند نہیں
بڑا ہو کوئی تو خاطر میں ہم نہیں لاتے
جو پست ہو کے محبت میں سر بلند نہیں
نظر کے سامنے پھرتی ہے کس لئے ہر دم
وہ اک ادا جو اسے خود بھی کچھ پسند نہیں
نہیں کہ شرم و حیا وصف خاص ہے اس کا
کہ یہ حجابی و شوخی میں وہ بھی بند نہیں
ہزار کام ہیں ایسے جنہیں میں کرتا ہوں
اگرچہ دل سے مجھے ایک بھی پسند نہیں
ستانے والوں سے اپنے یہ پوچھتا ہوں جلیلؔ
تمہارے سینوں میں کیا قلب درد مند نہیں