तिरी गली में तमाशा किए ज़माना हुआ
फिर इस के बा'द न आना हुआ न जाना हुआ
कुछ इतना टूट के चाहा था मेरे दिल ने उसे
वो शख़्स मेरी मुरव्वत में बेवफ़ा न हुआ
हवा ख़फ़ा थी मगर इतनी संग-दिल भी न थी
हमीं को शम्अ जलाने का हौसला न हुआ
मिरे ख़ुलूस की सैक़ल-गरी भी हार गई
वो जाने कौन सा पत्थर था आईना न हुआ
मैं ज़हर पीता रहा ज़िंदगी के हाथों से
ये और बात है मेरा बदन हरा न हुआ
शुऊ'र चाहिए तरतीब-ए-ख़ार-ओ-ख़स के लिए
क़फ़स को तोड़ के रक्खा तो आशियाना हुआ
हमारे गाँव की मिट्टी ही रेत जैसी थी
ये एक रात का सैलाब तो बहाना हुआ
किसी के साथ गईं दिल की धड़कनें 'क़ैसर'
फिर इस के बा'द मोहब्बत का हादिसा न हुआ
tirī galī meñ tamāshā kiye zamāna huā
phir is ke ba.ad na aanā huā na jaanā huā
kuchh itnā TuuT ke chāhā thā mere dil ne use
vo shaḳhs merī muravvat meñ bevafā na huā
havā ḳhafā thī magar itnī sañg-dil bhī na thī
hamīñ ko sham.a jalāne kā hausla na huā
mire ḳhulūs kī saiqal-garī bhī haar ga.ī
vo jaane kaun sā patthar thā ā.īna na huā
maiñ zahr piitā rahā zindagī ke hāthoñ se
ye aur baat hai merā badan harā na huā
shu.ūr chāhiye tartīb-e-ḳhār-o-ḳhas ke liye
qafas ko toḌ ke rakkhā to āshiyāna huā
hamāre gaañv kī miTTī hī ret jaisī thī
ye ek raat kā sailāb to bahāna huā
kisī ke saath ga.iiñ dil kī dhaḌkaneñ 'qaisar'
phir is ke ba.ad mohabbat kā hādisa na huā
تری گلی میں تماشا کیے زمانہ ہوا
پھر اس کے بعد نہ آنا ہوا نہ جانا ہوا
کچھ اتنا ٹوٹ کے چاہا تھا میرے دل نے اسے
وہ شخص میری مروت میں بے وفا نہ ہوا
ہوا خفا تھی مگر اتنی سنگ دل بھی نہ تھی
ہمیں کو شمع جلانے کا حوصلہ نہ ہوا
مرے خلوص کی صیقل گری بھی ہار گئی
وہ جانے کون سا پتھر تھا آئینہ نہ ہوا
میں زہر پیتا رہا زندگی کے ہاتھوں سے
یہ اور بات ہے میرا بدن ہرا نہ ہوا
شعور چاہئے ترتیب خار و خس کے لیے
قفس کو توڑ کے رکھا تو آشیانہ ہوا
ہمارے گاؤں کی مٹی ہی ریت جیسی تھی
یہ ایک رات کا سیلاب تو بہانہ ہوا
کسی کے ساتھ گئیں دل کی دھڑکنیں قیصرؔ
پھر اس کے بعد محبت کا حادثہ نہ ہوا