तिरे लबों पे अगर सुर्ख़ी-ए-वफ़ा ही नहीं
तो ये बनाओ ये सज धज तुझे रवा ही नहीं
मैं तेरी रूह की पत्ती की तरह काँप गया
हवा-ए-सुब्ह-ए-सुबुक-गाम को पता ही नहीं
किसी उमीद के फूलों भरे शबिस्ताँ से
जो आँख मल के उठा हूँ तो वो हुआ ही नहीं
फ़राज़-ए-शाम से गिरता रहा फ़साना-ए-शब
गदा-ए-गौहर-ए-गुफ़्तार ने सुना ही नहीं
चमक रहा है मिरी ज़िंदगी का हर लम्हा
मैं क्या करूँ कि मिरी आँख में ज़िया ही नहीं
tire laboñ pe agar surḳhi-e-vafā hī nahīñ
to ye banāo ye saj dhaj tujhe ravā hī nahīñ
maiñ terī ruuh kī pattī kī tarah kaañp gayā
havā-e-sub.h-e-subuk-gām ko patā hī nahīñ
kisī umiid ke phūloñ bhare shabistāñ se
jo aañkh mal ke uThā huuñ to vo huā hī nahīñ
farāz-e-shām se girtā rahā fasāna-e-shab
gadā-e-gauhar-e-guftār ne sunā hī nahīñ
chamak rahā hai mirī zindagī kā har lamha
maiñ kyā karūñ ki mirī aañkh meñ ziyā hī nahīñ
ترے لبوں پہ اگر سرخی وفا ہی نہیں
تو یہ بناؤ یہ سج دھج تجھے روا ہی نہیں
میں تیری روح کی پتی کی طرح کانپ گیا
ہوائے صبح سبک گام کو پتا ہی نہیں
کسی امید کے پھولوں بھرے شبستاں سے
جو آنکھ مل کے اٹھا ہوں تو وہ ہوا ہی نہیں
فراز شام سے گرتا رہا فسانۂ شب
گدائے گوہر گفتار نے سنا ہی نہیں
چمک رہا ہے مری زندگی کا ہر لمحہ
میں کیا کروں کہ مری آنکھ میں ضیا ہی نہیں