तिरे आसमाँ की ज़मीं हो गया हूँ
हुआ हूँ तो अपने तईं हो गया हूँ
मिली है जगह दिल में थोड़ी सी उस के
समझ लो कि गोशा-नशीं हो गया हूँ
यहाँ पर मैं होना नहीं चाहता था
मगर होते होते यहीं हो गया हूँ
तिरे पाँव पड़ने से इंकार कर दूँ
मैं इतना तो ख़ुद-सर नहीं हो गया हूँ
जहाँ मुझ को होने से रोका था उस ने
नहीं बाज़ आया वहीं हो गया हूँ
मकाँ जिस का नक़्शा अभी बन रहा है
मैं फ़िलहाल उस का मकीं हो गया हूँ
तवज्जोह का तालिब हूँ इस तरह से भी
अगर आप का नुक्ता-चीं हो गया हूँ
बुढ़ापे से अगली ये मंज़िल है कोई
जवाँ हो गया हूँ हसीं हो गया हूँ
इसे भी 'ज़फ़र' मेरी हिम्मत ही समझो
कहीं हो न पाया कहीं हो गया हूँ
tire āsmāñ kī zamīñ ho gayā huuñ
huā huuñ to apne ta.iiñ ho gayā huuñ
milī hai jagah dil meñ thoḌī sī us ke
samajh lo ki gosha-nashīñ ho gayā huuñ
yahāñ par maiñ honā nahīñ chāhtā thā
magar hote hote yahīñ ho gayā huuñ
tire paañv paḌne se inkār kar duuñ
maiñ itnā to ḳhud-sar nahīñ ho gayā huuñ
jahāñ mujh ko hone se rokā thā us ne
nahīñ baaz aayā vahīñ ho gayā huuñ
makāñ jis kā naqsha abhī ban rahā hai
maiñ filhāl us kā makīñ ho gayā huuñ
tavajjoh kā tālib huuñ is tarah se bhī
agar aap kā nukta-chīñ ho gayā huuñ
buḌhāpe se aglī ye manzil hai koī
javāñ ho gayā huuñ hasīñ ho gayā huuñ
ise bhī 'zafar' merī himmat hī samjho
kahīñ ho na paayā kahīñ ho gayā huuñ
ترے آسماں کی زمیں ہو گیا ہوں
ہوا ہوں تو اپنے تئیں ہو گیا ہوں
ملی ہے جگہ دل میں تھوڑی سی اس کے
سمجھ لو کہ گوشہ نشیں ہو گیا ہوں
یہاں پر میں ہونا نہیں چاہتا تھا
مگر ہوتے ہوتے یہیں ہو گیا ہوں
ترے پاؤں پڑنے سے انکار کر دوں
میں اتنا تو خود سر نہیں ہو گیا ہوں
جہاں مجھ کو ہونے سے روکا تھا اس نے
نہیں باز آیا وہیں ہو گیا ہوں
مکاں جس کا نقشہ ابھی بن رہا ہے
میں فی الحال اس کا مکیں ہو گیا ہوں
توجہ کا طالب ہوں اس طرح سے بھی
اگر آپ کا نکتہ چیں ہو گیا ہوں
بڑھاپے سے اگلی یہ منزل ہے کوئی
جواں ہو گیا ہوں حسیں ہو گیا ہوں
اسے بھی ظفرؔ میری ہمت ہی سمجھو
کہیں ہو نہ پایا کہیں ہو گیا ہوں