तिरा है काम कमाँ में उसे लगाने तक
ये तीर ख़ुद ही चला जाएगा निशाने तक
मैं शीशा क्यूँ न बना आदमी हुआ क्यूँकर
मुझे तो उम्र लगी टूट फूट जाने तक
गए हुओं ने पलट कर सदा न दी मुझ को
मैं कितनी बार गया ग़ार के दहाने तक
तुझे तो अपने परों पर ही ए'तिबार नहीं
तू कैसे आएगा उड़ कर मिरे ज़माने तक
किया था फ़ैसला बुनियाद-ए-आशियाँ का 'नसीम'
हवाएँ तिनके उड़ा लाईं आशियाने तक
tirā hai kaam kamāñ meñ use lagāne tak
ye tiir ḳhud hī chalā jā.egā nishāne tak
maiñ shīsha kyuuñ na banā aadmī huā kyūñkar
mujhe to umr lagī TuuT phuuT jaane tak
ga.e huoñ ne palaT kar sadā na dī mujh ko
maiñ kitnī baar gayā ġhaar ke dahāne tak
tujhe to apne paroñ par hī e'tibār nahīñ
tū kaise aa.egā uḌ kar mire zamāne tak
kiyā thā faisla buniyād-e-āshiyāñ kā 'nasīm'
havā.eñ tinke uḌā lā.īñ āshiyāne tak
ترا ہے کام کماں میں اسے لگانے تک
یہ تیر خود ہی چلا جائے گا نشانے تک
میں شیشہ کیوں نہ بنا آدمی ہوا کیونکر
مجھے تو عمر لگی ٹوٹ پھوٹ جانے تک
گئے ہوؤں نے پلٹ کر صدا نہ دی مجھ کو
میں کتنی بار گیا غار کے دہانے تک
تجھے تو اپنے پروں پر ہی اعتبار نہیں
تو کیسے آئے گا اڑ کر مرے زمانے تک
کیا تھا فیصلہ بنیاد آشیاں کا نسیمؔ
ہوائیں تنکے اڑا لائیں آشیانے تک