थक थक गए हैं आशिक़ दरमांदा-ए-फ़ुग़ाँ हो
यारब कहीं वो ग़फ़लत फ़रियाद-ए-बे-कसाँ हो
या क़हर है वो शोख़ी या पर्दा है नज़र का
दिल में तो उस का घर हो और आँख से निहाँ हो
ये शोर भर रहा है फ़रियाद का जहाँ में
जो बात लब पे आई उल्टी फिरी फ़ुग़ाँ हो
किस किस दुआ को माँगें क्या क्या हवस निकालें
इक जाँ किधर किधर हो इक दिल कहाँ कहाँ हो
बरगश्तगी-ए-क़िस्मत ये छेड़ क्या निकाली
जो मुद्दआ-ए-दिल हो वो मुद्द'ई-ए-जाँ हो
मक़्दूर तक तो अपने तुझ से निभाएँगे हम
बे-जान-ओ-दिल हैं हाज़िर गर क़स्द-ए-इम्तिहाँ हो
सय्याद मैं नहीं हूँ गुम-कर्दा आशियाँ हूँ
ऐ हम-सफ़ीरो बोलो किस जा हो और कहाँ हो
ऐ आह दिल से उठ कर लब पर है क्या तअम्मुल
जा शोरिश-ए-ज़मीं हो आशोब-ए-आसमाँ हो
मिट मिट के भी हमारा इक बन रहेगा सामाँ
उजड़े अगर बहाराँ आबादी-ए-ख़िज़ाँ हो
जब बैठने पे आए ऐ ज़ोफ़ बैठ रहिए
फिर क्या है ये तकल्लुफ़ उस का ही आस्ताँ हो
तू ही रहेगी बुलबुल या मैं ही इस चमन में
या तेरा ही हो क़िस्सा या मेरी दास्ताँ हो
मेरे सुख़न में क्या है कुछ ख़ाल-ओ-ख़त बयाँ है
पर दिल से उस के पूछे जो कोई नुक्ता-दाँ हो
मेरा सलाम कहना झुक कर 'क़लक़' वही है
उस की गली में बैठा मौज़ूँ सा जो जवाँ हो
thak thak ga.e haiñ āshiq darmanda-e-fuġhāñ ho
yārab kahīñ vo ġhaflat fariyād-e-be-kasāñ ho
yā qahr hai vo shoḳhī yā parda hai nazar kā
dil meñ to us kā ghar ho aur aañkh se nihāñ ho
ye shor bhar rahā hai fariyād kā jahāñ meñ
jo baat lab pe aa.ī ulTī phirī fuġhāñ ho
kis kis duā ko māñgeñ kyā kyā havas nikāleñ
ik jaañ kidhar kidhar ho ik dil kahāñ kahāñ ho
bargasht-agī-e-qismat ye chheḌ kyā nikālī
jo mudda.ā-e-dil ho vo mudda.ī-e-jāñ ho
maqdūr tak to apne tujh se nibhā.eñge ham
be-jān-o-dil haiñ hāzir gar qasd-e-imtihāñ ho
sayyād maiñ nahīñ huuñ gum-karda āshiyāñ huuñ
ai ham-safīro bolo kis jā ho aur kahāñ ho
ai aah dil se uTh kar lab par hai kyā ta.amul
jā shorish-e-zamīñ ho āshob-e-āsmāñ ho
miT miT ke bhī hamārā ik ban rahegā sāmāñ
ujḌe agar bahārāñ ābādī-e-ḳhizāñ ho
jab baiThne pe aa.e ai zo.af baiTh rahiye
phir kyā hai ye takalluf us kā hī āstāñ ho
tū hī rahegī bulbul yā maiñ hī is chaman meñ
yā terā hī ho qissa yā merī dāstāñ ho
mere suḳhan meñ kyā hai kuchh ḳhāl-o-ḳhat bayāñ hai
par dil se us ke pūchhe jo koī nukta-dāñ ho
merā salām kahnā jhuk kar 'qalaq' vahī hai
us kī galī meñ baiThā mauzūñ sā jo javāñ ho
تھک تھک گئے ہیں عاشق درماندۂ فغاں ہو
یا رب کہیں وہ غفلت فریاد بے کساں ہو
یا قہر ہے وہ شوخی یا پردہ ہے نظر کا
دل میں تو اس کا گھر ہو اور آنکھ سے نہاں ہو
یہ شور بھر رہا ہے فریاد کا جہاں میں
جو بات لب پہ آئی الٹی پھری فغاں ہو
کس کس دعا کو مانگیں کیا کیا ہوس نکالیں
اک جاں کدھر کدھر ہو اک دل کہاں کہاں ہو
برگشتگیٔ قسمت یہ چھیڑ کیا نکالی
جو مدعائے دل ہو وہ مدعیٔ جاں ہو
مقدور تک تو اپنے تجھ سے نبھائیں گے ہم
بے جان و دل ہیں حاضر گر قصد امتحاں ہو
صیاد میں نہیں ہوں گم کردہ آشیاں ہوں
اے ہم صفیرو بولو کس جا ہو اور کہاں ہو
اے آہ دل سے اٹھ کر لب پر ہے کیا تأمل
جا شورش زمیں ہو آشوب آسماں ہو
مٹ مٹ کے بھی ہمارا اک بن رہے گا ساماں
اجڑے اگر بہاراں آبادیٔ خزاں ہو
جب بیٹھنے پہ آئے اے ضعف بیٹھ رہیے
پھر کیا ہے یہ تکلف اس کا ہی آستاں ہو
تو ہی رہے گی بلبل یا میں ہی اس چمن میں
یا تیرا ہی ہو قصہ یا میری داستاں ہو
میرے سخن میں کیا ہے کچھ خال و خط بیاں ہے
پر دل سے اس کے پوچھے جو کوئی نکتہ داں ہو
میرا سلام کہنا جھک کر قلقؔ وہی ہے
اس کی گلی میں بیٹھا موزوں سا جو جواں ہو