तेज़ जब ख़ंजर-ए-बेदाद किया जाएगा
हम ग़रीबों का गला याद किया जाएगा
ग़ैर को ख़ुश हमें नाशाद किया जाएगा
कब तलक ये सितम ईजाद किया जाएगा
ये तो बतलाओ हमें शहर बसाने वालो
दिल का वीराना कब आबाद किया जाएगा
और क्या होगा तिरे अहद-ए-सितम में ऐ दोस्त
रोज़ ताज़ा सितम ईजाद किया जाएगा
ये जहाँ मुर्दा-परस्तों का जहाँ है यारो
हम न होंगे तो हमें याद किया जाएगा
दस्त-ओ-बाज़ू से भी कुछ काम लिया जाए 'हफ़ीज़'
ता-ब-कै शिकवा-ए-सय्याद किया जाएगा
tez jab ḳhanjar-e-bedād kiyā jā.egā
ham ġharīboñ kā galā yaad kiyā jā.egā
ġhair ko ḳhush hameñ nāshād kiyā jā.egā
kab talak ye sitam ījād kiyā jā.egā
ye to batlāo hameñ shahr basāne vaalo
dil kā vīrāna kab ābād kiyā jā.egā
aur kyā hogā tire ahd-e-sitam meñ ai dost
roz taaza sitam ījād kiyā jā.egā
ye jahāñ murda-parastoñ kā jahāñ hai yaaro
ham na hoñge to hameñ yaad kiyā jā.egā
dast-o-bāzū se bhī kuchh kaam liyā jaa.e 'hafīz'
tā-ba-kai shikva-e-sayyād kiyā jā.egā
تیز جب خنجر بیداد کیا جائے گا
ہم غریبوں کا گلا یاد کیا جائے گا
غیر کو خوش ہمیں ناشاد کیا جائے گا
کب تلک یہ ستم ایجاد کیا جائے گا
یہ تو بتلاؤ ہمیں شہر بسانے والو
دل کا ویرانہ کب آباد کیا جائے گا
اور کیا ہوگا ترے عہد ستم میں اے دوست
روز تازہ ستم ایجاد کیا جائے گا
یہ جہاں مردہ پرستوں کا جہاں ہے یارو
ہم نہ ہوں گے تو ہمیں یاد کیا جائے گا
دست و بازو سے بھی کچھ کام لیا جائے حفیظؔ
تا بہ کے شکوۂ صیاد کیا جائے گا