तेवर तुम्हारे देख कर आधा सुख़न करूँ
वर्ना मैं चाहता हूँ ज़ियादा सुख़न करूँ
मुझ को मिरी ग़ज़ल का चमकना पसंद है
पूरा करूँ ये नेक इरादा सुख़न करूँ
ख़ामोशी दब न जाए मआ'नी के बोझ से
आहिस्ता उस की पुश्त पे लादा सुख़न करूँ
ये कम नुमू चराग़ मुझे देखते रहें
जब बाद-ए-तुंद से सर-ए-जादा सुख़न करूँ
जो बात मेरे दिल में है सब को पता चले
अक्सर ये सोचता हूँ कि सादा सुख़न करूँ
मेरा कमाल ये है बिसात-ए-कमाल पर
शाहों के रू-ब-रू मैं पियादा सुख़न करूँ
मैं इक क़दीम मत्न की सूरत लिखा हुआ
पहनूँ हुरूफ़-ए-नौ का लबादा सुख़न करूँ
ये शायरी है कोई तिजारत नहीं जनाब
तुफ़ है अगर बराए-इफ़ादा सुख़न करूँ
'यावर' मैं कोई शाइ'र-ए-कम-हौसला नहीं
जो देख कर ज़मीन कुशादा सुख़न करूँ
tevar tumhāre dekh kar aadhā suḳhan karūñ
varna maiñ chāhtā huuñ ziyāda suḳhan karūñ
mujh ko mirī ġhazal kā chamaknā pasand hai
puurā karūñ ye nek irāda suḳhan karūñ
ḳhāmoshī dab na jaa.e ma.ānī ke bojh se
āhista us kī pusht pe laadā suḳhan karūñ
ye kam numū charāġh mujhe dekhte raheñ
jab bād-e-tund se sar-e-jāda suḳhan karūñ
jo baat mere dil meñ hai sab ko patā chale
aksar ye sochtā huuñ ki saada suḳhan karūñ
merā kamāl ye hai bisāt-e-kamāl par
shāhoñ ke rū-ba-rū maiñ piyāda suḳhan karūñ
maiñ ik qadīm matn kī sūrat likhā huā
pahnūñ hurūf-e-nau kā labāda suḳhan karūñ
ye shā.erī hai koī tijārat nahīñ janāb
tuf hai agar barā.e-ifāda suḳhan karūñ
'yāvar' maiñ koī shā.ir-e-kam-hausla nahīñ
jo dekh kar zamīn kushāda suḳhan karūñ
تیور تمہارے دیکھ کر آدھا سخن کروں
ورنہ میں چاہتا ہوں زیادہ سخن کروں
مجھ کو مری غزل کا چمکنا پسند ہے
پورا کروں یہ نیک ارادہ سخن کروں
خاموشی دب نہ جائے معانی کے بوجھ سے
آہستہ اس کی پشت پہ لادا سخن کروں
یہ کم نمو چراغ مجھے دیکھتے رہیں
جب باد تند سے سر جادہ سخن کروں
جو بات میرے دل میں ہے سب کو پتا چلے
اکثر یہ سوچتا ہوں کہ سادہ سخن کروں
میرا کمال یہ ہے بساط کمال پر
شاہوں کے روبرو میں پیادہ سخن کروں
میں اک قدیم متن کی صورت لکھا ہوا
پہنوں حروف نو کا لبادہ سخن کروں
یہ شاعری ہے کوئی تجارت نہیں جناب
تف ہے اگر برائے افادہ سخن کروں
یاورؔ میں کوئی شاعر کم حوصلہ نہیں
جو دیکھ کر زمین کشادہ سخن کروں