तेरी सूरत को देखता हूँ मैं
उस की क़ुदरत को देखता हूँ मैं
जब हुई सुब्ह आ गए नासेह
उन्हीं हज़रत को देखता हूँ मैं
वो मुसीबत सुनी नहीं जाती
जिस मुसीबत को देखता हूँ मैं
देखने आए हैं जो मेरी नब्ज़
उन की सूरत को देखता हूँ मैं
मौत मुझ को दिखाई देती है
जब तबीअत को देखता हूँ मैं
शब-ए-फ़ुर्क़त उठा उठा कर सर
सुब्ह-ए-इशरत को देखता हूँ मैं
दूर बैठा हुआ सर-ए-महफ़िल
रंग-ए-सोहबत को देखता हूँ मैं
हर मुसीबत है बे-मज़ा शब-ए-ग़म
आफ़त आफ़त को देखता हूँ मैं
न मोहब्बत को जानते हो तुम
न मुरव्वत को देखता हूँ मैं
कोई दुश्मन को यूँ न देखेगा
जैसे क़िस्मत को देखता हूँ मैं
हश्र में 'दाग़' कोई दोस्त नहीं
सारी ख़िल्क़त को देखता हूँ मैं
terī sūrat ko dekhtā huuñ maiñ
us kī qudrat ko dekhtā huuñ maiñ
jab huī sub.h aa ga.e nāseh
unhīñ hazrat ko dekhtā huuñ maiñ
vo musībat sunī nahīñ jaatī
jis musībat ko dekhtā huuñ maiñ
dekhne aa.e haiñ jo merī nabz
un kī sūrat ko dekhtā huuñ maiñ
maut mujh ko dikhā.ī detī hai
jab tabī.at ko dekhtā huuñ maiñ
shab-e-furqat uThā uThā kar sar
sub.h-e-ishrat ko dekhtā huuñ maiñ
duur baiThā huā sar-e-mahfil
rañg-e-sohbat ko dekhtā huuñ maiñ
har musībat hai be-mazā shab-e-ġham
aafat aafat ko dekhtā huuñ maiñ
na mohabbat ko jānte ho tum
na muravvat ko dekhtā huuñ maiñ
koī dushman ko yuuñ na dekhegā
jaise qismat ko dekhtā huuñ maiñ
hashr meñ 'dāġh' koī dost nahīñ
saarī ḳhilqat ko dekhtā huuñ maiñ
تیری صورت کو دیکھتا ہوں میں
اس کی قدرت کو دیکھتا ہوں میں
جب ہوئی صبح آ گئے ناصح
انہیں حضرت کو دیکھتا ہوں میں
وہ مصیبت سنی نہیں جاتی
جس مصیبت کو دیکھتا ہوں میں
دیکھنے آئے ہیں جو میری نبض
ان کی صورت کو دیکھتا ہوں میں
موت مجھ کو دکھائی دیتی ہے
جب طبیعت کو دیکھتا ہوں میں
شب فرقت اٹھا اٹھا کر سر
صبح عشرت کو دیکھتا ہوں میں
دور بیٹھا ہوا سر محفل
رنگ صحبت کو دیکھتا ہوں میں
ہر مصیبت ہے بے مزا شب غم
آفت آفت کو دیکھتا ہوں میں
نہ محبت کو جانتے ہو تم
نہ مروت کو دیکھتا ہوں میں
کوئی دشمن کو یوں نہ دیکھے گا
جیسے قسمت کو دیکھتا ہوں میں
حشر میں داغؔ کوئی دوست نہیں
ساری خلقت کو دیکھتا ہوں میں