तेरे पैकर सी कोई मूरत बना ली जाएगी
दिल के बहलाने की ये सूरत निकाली जाएगी
कौन कह सकता था ये क़ौस-ए-क़ुज़ह को देख कर
एक ही आँचल में ये रंगत समा ली जाएगी
काग़ज़ी फूलों से जब मानूस होंगी तितलियाँ
आशिक़ी की रस्म दुनिया से उठा ली जाएगी
आइने में बाल पड़ जाए तो जा सकता नहीं
रेत की दीवार तो फिर से बना ली जाएगी
हम जो कार-ए-आज़री में बे-हुनर ठहरे तो क्या
उन की सूरत शे'र के क़ालिब में ढाली जाएगी
ख़ुद-परस्ती के नशे में जिन को है ज़ो'म-ए-जमाल
आइना देखें तो उन की ख़ुश-ख़याली जाएगी
इश्क़ की फ़ितरत में है परवान ही चढ़ना 'रईस'
हुस्न वो दौलत नहीं जो फिर कमा ली जाएगी
tere paikar sī koī mūrat banā lī jā.egī
dil ke bahlāne kī ye sūrat nikālī jā.egī
kaun kah saktā thā ye qaus-e-quzah ko dekh kar
ek hī āñchal meñ ye rangat samā lī jā.egī
kāġhzī phūloñ se jab mānūs hoñgī titliyāñ
āshiqī kī rasm duniyā se uThā lī jā.egī
aa.ine meñ baal paḌ jaa.e to jā saktā nahīñ
ret kī dīvār to phir se banā lī jā.egī
ham jo kār-e-āzarī meñ be-hunar Thahre to kyā
un kī sūrat sher ke qālib meñ Dhālī jā.egī
ḳhud-parastī ke nashe meñ jin ko hai zo.am-e-jamāl
aa.ina dekheñ to un kī ḳhush-ḳhayālī jā.egī
ishq kī fitrat meñ hai parvān hī chaḌhnā 'ra.īs'
husn vo daulat nahīñ jo phir kamā lī jā.egī
تیرے پیکر سی کوئی مورت بنا لی جائے گی
دل کے بہلانے کی یہ صورت نکالی جائے گی
کون کہہ سکتا تھا یہ قوس قزح کو دیکھ کر
ایک ہی آنچل میں یہ رنگت سما لی جائے گی
کاغذی پھولوں سے جب مانوس ہوں گی تتلیاں
عاشقی کی رسم دنیا سے اٹھا لی جائے گی
آئنے میں بال پڑ جائے تو جا سکتا نہیں
ریت کی دیوار تو پھر سے بنا لی جائے گی
ہم جو کار آذری میں بے ہنر ٹھہرے تو کیا
ان کی صورت شعر کے قالب میں ڈھالی جائے گی
خود پرستی کے نشے میں جن کو ہے زعم جمال
آئنہ دیکھیں تو ان کی خوش خیالی جائے گی
عشق کی فطرت میں ہے پروان ہی چڑھنا رئیسؔ
حسن وہ دولت نہیں جو پھر کما لی جائے گی