तेरे दर पर मक़ाम रखते हैं
क़स्द-ए-दार-उस-सलाम रखते हैं
इब्तिदा अपनी इंतिहा से परे
ना-तमामी तमाम रखते हैं
आसमाँ से किसे उमीद-ए-नजात
आशियाँ ज़ेर-ए-दाम रखते हैं
एक यूसुफ़ कि साथ ग़ुर्बत में
ऐसे लाखों ग़ुलाम रखते हैं
बे-बहा शय हूँ मैं कि वो मुझ को
ना-ख़रीदा ग़ुलाम रखते हैं
सब की सुनते हैं करते हैं जी की
काम से अपने काम रखते हैं
वस्ल-ए-माशूक़ है सुलैमानी
वो ही जम हैं जो जाम रखते हैं
कुछ तिरी दोस्ती की क़द्र नहीं
दुश्मनी ख़ास-ओ-आम रखते हैं
क़ैस ओ फ़रहाद कहते हैं वो मुझे
कैसे गिन गिन के नाम रखते हैं
नालों को रोक रोक लेते हैं
दिल को हम थाम थाम रखते हैं
काबे में एक दम की मेहमानी
मय-कदे में मुदाम रखते हैं
दिल-रुबा कहने से वो चौंक उठे
गोया हम इत्तिहाम रखते हैं
चश्म-ए-बद-दूर ऐश-ए-अहद-ए-शबाब
सुब्ह हम-रंग-ए-शाम रखते हैं
ऐ 'क़लक़' बैठिए सर-ए-ख़ुम-ए-मय
आप आली मक़ाम रखते हैं
tere dar par maqām rakhte haiñ
qasd-e-dār-us-salām rakhte haiñ
ibtidā apnī intihā se pare
nā-tamāmī tamām rakhte haiñ
āsmāñ se kise umīd-e-najāt
āshiyāñ zer-e-dām rakhte haiñ
ek yūsuf ki saath ġhurbat meñ
aise lākhoñ ġhulām rakhte haiñ
be-bahā shai huuñ maiñ ki vo mujh ko
nā-ḳharīda ġhulām rakhte haiñ
sab kī sunte haiñ karte haiñ jī kī
kaam se apne kaam rakhte haiñ
vasl-e-ma.ashūq hai sulaimānī
vo hī jam haiñ jo jaam rakhte haiñ
kuchh tirī dostī kī qadr nahīñ
dushmanī ḳhās-o-ām rakhte haiñ
qais o farhād kahte haiñ vo mujhe
kaise gin gin ke naam rakhte haiñ
nāloñ ko rok rok lete haiñ
dil ko ham thaam thaam rakhte haiñ
ka.abe meñ ek dam kī mehmānī
mai-kade meñ mudām rakhte haiñ
dil-rubā kahne se vo chauñk uThe
goyā ham ittihām rakhte haiñ
chashm-e-bad-dūr aish-e-ahd-e-shabāb
sub.h ham-rañg-e-shām rakhte haiñ
ai 'qalaq' baiThiye sar-e-ḳhum-e-mai
aap aalī maqām rakhte haiñ
تیرے در پر مقام رکھتے ہیں
قصد دار السلام رکھتے ہیں
ابتدا اپنی انتہا سے پرے
ناتمامی تمام رکھتے ہیں
آسماں سے کسے امید نجات
آشیاں زیر دام رکھتے ہیں
ایک یوسف کہ ساتھ غربت میں
ایسے لاکھوں غلام رکھتے ہیں
بے بہا شے ہوں میں کہ وہ مجھ کو
ناخریدہ غلام رکھتے ہیں
سب کی سنتے ہیں کرتے ہیں جی کی
کام سے اپنے کام رکھتے ہیں
وصل معشوق ہے سلیمانی
وہ ہی جم ہیں جو جام رکھتے ہیں
کچھ تری دوستی کی قدر نہیں
دشمنی خاص و عام رکھتے ہیں
قیس و فرہاد کہتے ہیں وہ مجھے
کیسے گن گن کے نام رکھتے ہیں
نالوں کو روک روک لیتے ہیں
دل کو ہم تھام تھام رکھتے ہیں
کعبے میں ایک دم کی مہمانی
مے کدے میں مدام رکھتے ہیں
دل ربا کہنے سے وہ چونک اٹھے
گویا ہم اتہام رکھتے ہیں
چشم بد دور عیش عہد شباب
صبح ہم رنگ شام رکھتے ہیں
اے قلقؔ بیٹھیے سر خم مے
آپ عالی مقام رکھتے ہیں