तसव्वुर से किसी के मैं ने की है गुफ़्तुगू बरसों
रही है एक तस्वीर-ए-ख़याली रू-ब-रू बरसों
हुआ मेहमान आ कर रात भर वो शम्अ'-रू बरसों
रहा रौशन मिरे घर का चराग़-ए-आरज़ू बरसों
बराबर जान के रक्खा है उस को मरते मरते तक
हमारी क़ब्र पर रोया करेगी आरज़ू बरसों
चमन में जा के भूले से मैं ख़स्ता-दिल कराहा था
किया की गुल से बुलबुल शिकवा-ए-दर्द-ए-गुलू बरसों
अगर मैं ख़ाक भी हूँगा तो 'आतिश' गर्द-बाद-आसा
रखेगी मुझ को सर-गश्ता किसी की जुस्तुजू बरसों
tasavvur se kisī ke maiñ ne kī hai guftugū barsoñ
rahī hai ek tasvīr-e-ḳhyālī rū-ba-rū barsoñ
huā mehmān aa kar raat bhar vo sham.a-rū barsoñ
rahā raushan mire ghar kā charāġh-e-ārzū barsoñ
barābar jaan ke rakkhā hai us ko marte marte tak
hamārī qabr par royā karegī aarzū barsoñ
chaman meñ jā ke bhūle se maiñ ḳhasta-dil karāhā thā
kiyā kī gul se bulbul shikva-e-dard-e-gulū barsoñ
agar maiñ ḳhaak bhī hūñgā to 'ātish' gard-bād-āsā
rakhegī mujh ko sar-gashta kisī kī justujū barsoñ
تصور سے کسی کے میں نے کی ہے گفتگو برسوں
رہی ہے ایک تصویر خیالی روبرو برسوں
ہوا مہمان آ کر رات بھر وہ شمع رو برسوں
رہا روشن مرے گھر کا چراغ آرزو برسوں
برابر جان کے رکھا ہے اس کو مرتے مرتے تک
ہماری قبر پر رویا کرے گی آرزو برسوں
چمن میں جا کے بھولے سے میں خستہ دل کراہا تھا
کیا کی گل سے بلبل شکوۂ درد گلو برسوں
اگر میں خاک بھی ہوں گا تو آتشؔ گرد باد آسا
رکھے گی مجھ کو سرگشتہ کسی کی جستجو برسوں