तसव्वुर हम ने जब तेरा किया पेश-ए-नज़र पाया
तुझे देखा जिधर देखा तुझे पाया जिधर पाया
कहाँ हम ने न इस दर्द-ए-निहानी का असर पाया
यहाँ उट्ठा वहाँ चमका इधर आया उधर पाया
पता उस ने दिया तेरा मिला जो 'इश्क़ में ख़ुद गुम
ख़बर तेरी उसी से पाई जिस को बे-ख़बर पाया
दिल-ए-बेताब के पहलू से जाते ही गया सब कुछ
न पाईं सीने में आहें न आहों में असर पाया
वो चश्म-ए-मुंतज़िर थी जिस को देखा आ के वा तुम ने
वो नाला था हमारा जिस को सोते रात भर पाया
मैं हूँ वो ना-तवाँ पिन्हाँ रहा ख़ुद आँख से अपनी
हमेशा आप को गुम सूरत-ए-तार-ए-नज़र पाया
हबीब अपना अगर देखा तो दाग़-ए-'इश्क़ को देखा
तबीब अपना अगर पाया तो इक दर्द-ए-जिगर पाया
किया गुम हम ने दिल को जुस्तुजू में दाग़-ए-हसरत की
किसी को पा के खो बैठे किसी को ढूँढ कर पाया
बहुत से अश्क-ए-रंगीं ऐ 'जलाल' इस आँख से टपके
मगर बे-रंग ही देखा न कुछ रंग-ए-असर पाया
tasavvur ham ne jab terā kiyā pesh-e-nazar paayā
tujhe dekhā jidhar dekhā tujhe paayā jidhar paayā
kahāñ ham ne na is dard-e-nihānī kā asar paayā
yahāñ uTThā vahāñ chamkā idhar aayā udhar paayā
patā us ne diyā terā milā jo 'ishq meñ ḳhud gum
ḳhabar terī usī se paa.ī jis ko be-ḳhabar paayā
dil-e-betāb ke pahlū se jaate hī gayā sab kuchh
na pā.īñ siine meñ aa.heñ na aahoñ meñ asar paayā
vo chashm-e-muntazir thī jis ko dekhā aa ke vā tum ne
vo naala thā hamārā jis ko sote raat bhar paayā
maiñ huuñ vo nā-tavāñ pinhāñ rahā ḳhud aañkh se apnī
hamesha aap ko gum sūrat-e-tār-e-nazar paayā
habīb apnā agar dekhā to dāġh-e-'ishq ko dekhā
tabīb apnā agar paayā to ik dard-e-jigar paayā
kiyā gum ham ne dil ko justujū meñ dāġh-e-hasrat kī
kisī ko pā ke kho baiThe kisī ko DhūñDh kar paayā
bahut se ashk-e-rañgīñ ai 'jalāl' is aañkh se Tapke
magar be-rang hī dekhā na kuchh rañg-e-asar paayā
تصور ہم نے جب تیرا کیا پیش نظر پایا
تجھے دیکھا جدھر دیکھا تجھے پایا جدھر پایا
کہاں ہم نے نہ اس درد نہانی کا اثر پایا
یہاں اٹھا وہاں چمکا ادھر آیا ادھر پایا
پتا اس نے دیا تیرا ملا جو عشق میں خود گم
خبر تیری اسی سے پائی جس کو بے خبر پایا
دل بے تاب کے پہلو سے جاتے ہی گیا سب کچھ
نہ پائیں سینے میں آہیں نہ آہوں میں اثر پایا
وہ چشم منتظر تھی جس کو دیکھا آ کے وا تم نے
وہ نالہ تھا ہمارا جس کو سوتے رات بھر پایا
میں ہوں وہ ناتواں پنہاں رہا خود آنکھ سے اپنی
ہمیشہ آپ کو گم صورت تار نظر پایا
حبیب اپنا اگر دیکھا تو داغ عشق کو دیکھا
طبیب اپنا اگر پایا تو اک درد جگر پایا
کیا گم ہم نے دل کو جستجو میں داغ حسرت کی
کسی کو پا کے کھو بیٹھے کسی کو ڈھونڈھ کر پایا
بہت سے اشک رنگیں اے جلالؔ اس آنکھ سے ٹپکے
مگر بے رنگ ہی دیکھا نہ کچھ رنگ اثر پایا