तर्ज़-ए-क़ुदसी में कभी शेवा-ए-इंसाँ में कभी
हम भी इक चीज़ थे इस आलम-ए-इम्काँ में कभी
रंज में रंज का राहत में हूँ राहत का शरीक
ख़ाक साहिल में कभी मौज हूँ तूफ़ाँ में कभी
दिल में बे-लुत्फ़ रही ख़ार-ए-तमन्ना की ख़लिश
नोक बन कर न रहा ये किसी मिज़्गाँ में कभी
वार करते ही भरा ज़ख़्म में क़ातिल ने नमक
तेग़ पर हाथ कभी है तो नमक-दाँ में कभी
ख़िज़्र से मैं ने जो कीं जोश-ए-जुनूँ की बातें
ऐसे निकले कि न आए थे बयाबाँ में कभी
अल्लह अल्लह रे तिरी शोख़-बयानी ऐ 'दाग़'
सुस्त इक शे'र न देखा तिरे दीवाँ में कभी
tarz-e-qudsī meñ kabhī sheva-e-insāñ meñ kabhī
ham bhī ik chiiz the is ālam-e-imkāñ meñ kabhī
ranj meñ ranj kā rāhat meñ huuñ rāhat kā sharīk
ḳhaak sāhil meñ kabhī mauj huuñ tūfāñ meñ kabhī
dil meñ be-lutf rahī ḳhār-e-tamannā kī ḳhalish
nok ban kar na rahā ye kisī mizhgāñ meñ kabhī
vaar karte hī bharā zaḳhm meñ qātil ne namak
teġh par haath kabhī hai to namak-dāñ meñ kabhī
ḳhizr se maiñ ne jo kiiñ josh-e-junūñ kī bāteñ
aise nikle ki na aa.e the bayābāñ meñ kabhī
allah allah re tirī shoḳh-bayānī ai 'dāġh'
sust ik sher na dekhā tire dīvāñ meñ kabhī
طرز قدسی میں کبھی شیوۂ انساں میں کبھی
ہم بھی اک چیز تھے اس عالم امکاں میں کبھی
رنج میں رنج کا راحت میں ہوں راحت کا شریک
خاک ساحل میں کبھی موج ہوں طوفاں میں کبھی
دل میں بے لطف رہی خار تمنا کی خلش
نوک بن کر نہ رہا یہ کسی مژگاں میں کبھی
وار کرتے ہی بھرا زخم میں قاتل نے نمک
تیغ پر ہاتھ کبھی ہے تو نمکداں میں کبھی
خضر سے میں نے جو کیں جوش جنوں کی باتیں
ایسے نکلے کہ نہ آئے تھے بیاباں میں کبھی
اللہ اللہ رے تری شوخ بیانی اے داغؔ
سست اک شعر نہ دیکھا ترے دیواں میں کبھی