तमाम उम्र का दुख था वबा के मौसम में
मैं इस लिए भी था रोया वबा के मौसम में
कल आसमान जो चीख़ा वबा के मौसम में
सभी ने रास्ता बदला वबा के मौसम में
सिसकती प्यास ज़मीं-बुर्द हो गई ऐसे
कि दरिया रो पड़ा सारा वबा के मौसम में
तुम्हारी आँख की अफ़्सुर्दगी से टूट गया
जो एक सपना बना था वबा के मौसम में
मिरी ख़ताओं को मालिक मिरा मुआ'फ़ करे
दुआ को हाथ उठाया वबा के मौसम में
न इम्तिहान पे अब इम्तिहान ले मौला
कि सज्दा-रेज़ है दुनिया वबा के मौसम में
उजाला नूर का फैला है आसमानों पर
ज़मीं का रंग भी बदला वबा के मौसम में
शजर ने ओढ़ लिया है ग़िलाफ़-ए-बर्ग-ए-नौ
कि बर्ग-ए-ख़ुश्क है तन्हा वबा के मौसम में
मैं ख़ाली हाथ तिरी बारगह में आ पहुँचा
करम हो मुझ पे ख़ुदाया वबा के मौसम में
मिरी नवा में तू मत ढूँड मुफ़लिसी का अक्स
हिसाब सब का है अपना वबा के मौसम में
हमारे मिलने पे क़दग़न लगी थी वर्ना मैं
मोहब्बतों को भी पाता वबा के मौसम में
बस आसमान-ओ-ज़मीं पर ख़ुदा का चर्चा है
हर इक तरफ़ उसे देखा वबा के मौसम में
उसी को ओढ़ के बैठा हूँ अपने हुजरे में
यही क़बा-ए-दरीदा वबा के मौसम में
ज़मीं पे बोझ था 'ताहिर' मिरे गुनाहों का
मैं अपना दर्द न लिखता वबा के मौसम में
tamām umr kā dukh thā vabā ke mausam meñ
maiñ is liye bhī thā royā vabā ke mausam meñ
kal āsmān jo chīḳhā vabā ke mausam meñ
sabhī ne rāsta badlā vabā ke mausam meñ
sisaktī pyaas zamīñ-burd ho ga.ī aise
ki dariyā ro paḌā saarā vabā ke mausam meñ
tumhārī aañkh kī afsurdagī se TuuT gayā
jo ek sapnā banā thā vabā ke mausam meñ
mirī ḳhatāoñ ko mālik mirā muaaf kare
duā ko haath uThāyā vabā ke mausam meñ
na imtihān pe ab imtihān le maulā
ki sajda-rez hai duniyā vabā ke mausam meñ
ujālā nuur kā phailā hai āsmānoñ par
zamīñ kā rang bhī badlā vabā ke mausam meñ
shajar ne oḌh liyā hai ġhilāf-e-barg-e-nau
ki barg-e-ḳhushk hai tanhā vabā ke mausam meñ
maiñ ḳhālī haath tirī bārgah meñ aa pahuñchā
karam ho mujh pe ḳhudāyā vabā ke mausam meñ
mirī navā meñ tū mat DhūñD muflisī kā aks
hisāb sab kā hai apnā vabā ke mausam meñ
hamāre milne pe qadġhan lagī thī varna maiñ
mohabbatoñ ko bhī paatā vabā ke mausam meñ
bas āsmān-o-zamīñ par ḳhudā kā charchā hai
har ik taraf use dekhā vabā ke mausam meñ
usī ko oḌh ke baiThā huuñ apne hujre meñ
yahī qabā-e-darīda vabā ke mausam meñ
zamīñ pe bojh thā 'tāhir' mire gunāhoñ kā
maiñ apnā dard na likhtā vabā ke mausam meñ
تمام عمر کا دکھ تھا وبا کے موسم میں
میں اس لیے بھی تھا رویا وبا کے موسم میں
کل آسمان جو چیخا وبا کے موسم میں
سبھی نے راستہ بدلا وبا کے موسم میں
سسکتی پیاس زمیں برد ہو گئی ایسے
کہ دریا رو پڑا سارا وبا کے موسم میں
تمہاری آنکھ کی افسردگی سے ٹوٹ گیا
جو ایک سپنا بنا تھا وبا کے موسم میں
مری خطاؤں کو مالک مرا معاف کرے
دعا کو ہاتھ اٹھایا وبا کے موسم میں
نہ امتحان پہ اب امتحان لے مولا
کہ سجدہ ریز ہے دنیا وبا کے موسم میں
اجالا نور کا پھیلا ہے آسمانوں پر
زمیں کا رنگ بھی بدلا وبا کے موسم میں
شجر نے اوڑھ لیا ہے غلاف برگ نو
کہ برگ خشک ہے تنہا وبا کے موسم میں
میں خالی ہاتھ تری بارگہہ میں آ پہنچا
کرم ہو مجھ پہ خدایا وبا کے موسم میں
مری نوا میں تو مت ڈھونڈ مفلسی کا عکس
حساب سب کا ہے اپنا وبا کے موسم میں
ہمارے ملنے پہ قدغن لگی تھی ورنہ میں
محبتوں کو بھی پاتا وبا کے موسم میں
بس آسمان و زمیں پر خدا کا چرچا ہے
ہر اک طرف اسے دیکھا وبا کے موسم میں
اسی کو اوڑھ کے بیٹھا ہوں اپنے حجرے میں
یہی قبائے دریدہ وبا کے موسم میں
زمیں پہ بوجھ تھا طاہرؔ مرے گناہوں کا
میں اپنا درد نہ لکھتا وبا کے موسم میں