आग के सफ़्हे पे नक़्श-ए-मा-ओ-मन रह जाएगा
राख में सच्चाई का ज़िंदा बदन रह जाएगा
हर्फ़ की बारिश थमे तो धुंद से मा'नी उगें
लिखने वाला आप से गुज़रेगा फ़न रह जाएगा
ख़्वाहिशों का मेंह नंगी आँख से जब बह चुका
चीख़ता चिंघाड़ता पीछे बदन रह जाएगा
यूँ ख़ला-बाज़ों पे बरसेंगे शहाब-ए-साक़िब अब
जिस्म जल जाएँगे बाक़ी पैरहन रह जाएगा
जंड पर फिर से किसी घबरू का तरकश रह गया
हश्र का मैदान बन के अब ये बन रह जाएगा
आग की दीवार फाँद आए तो हर मंज़िल है सहल
सर की मंज़िल से कहीं पीछे कफ़न रह जाएगा
aag ke safhe pe naqsh-e-mā-o-man rah jā.egā
raakh meñ sachchā.ī kā zinda badan rah jā.egā
harf kī bārish thame to dhund se ma.anī ugeñ
likhne vaalā aap se guzregā fan rah jā.egā
ḳhvāhishoñ kā meñh nangī aañkh se jab bah chukā
chīḳhtā chinghāḌtā pīchhe badan rah jā.egā
yuuñ ḳhalā-bāzoñ pe barseñge shahāb-e-sāqib ab
jism jal jā.eñge baaqī pairahan rah jā.egā
janD par phir se kisī ghabrū kā tarkash rah gayā
hashr kā maidān ban ke ab ye ban rah jā.egā
aag kī dīvār phāñd aa.e to har manzil hai sahl
sar kī manzil se kahīñ pīchhe kafan rah jā.egā
آگ کے صفحے پہ نقش ما و من رہ جائے گا
راکھ میں سچائی کا زندہ بدن رہ جائے گا
حرف کی بارش تھمے تو دھند سے معنی اگیں
لکھنے والا آپ سے گزرے گا فن رہ جائے گا
خواہشوں کا مینہ ننگی آنکھ سے جب بہہ چکا
چیختا چنگھاڑتا پیچھے بدن رہ جائے گا
یوں خلا بازوں پہ برسیں گے شہاب ثاقب اب
جسم جل جائیں گے باقی پیرہن رہ جائے گا
جنڈ پر پھر سے کسی گھبرو کا ترکش رہ گیا
حشر کا میدان بن کے اب یہ بن رہ جائے گا
آگ کی دیوار پھاند آئے تو ہر منزل ہے سہل
سر کی منزل سے کہیں پیچھے کفن رہ جائے گا