दरिया रुका हुआ था मगर मैं सफ़र में था
इक रौशनी का अक्स भी मेरे हुनर में था
ओढ़ा हुआ था सच का लबादा वजूद ने
लेकिन शुऊ'र झूट के अंधे नगर में था
हर रास्ते की धूल परों में समेट कर
अंजान मंज़िलों का परिंदा सफ़र में था
बाज़ार में थी हँसते चराग़ों की रौशनी
बुझते हुए दिए का धुआँ मेरे घर में था
कंदा था ख़्वाहिशों का फ़साना फ़सील पर
ज़िंदा हक़ीक़तों का लहू इक खंडर में था
उतरी थी रात शहर में आँसू लिए हुए
इक क़ाफ़िला सहर का कहीं रहगुज़ार में था
'ताहिर' मिरे वजूद की बोली तो दे गया
शायद वो अपनी ज़ात के नीलाम-घर में था
dariyā rukā huā thā magar maiñ safar meñ thā
ik raushnī kā aks bhī mere hunar meñ thā
oḌhā huā thā sach kā labāda vajūd ne
lekin shu.ūr jhuuT ke andhe nagar meñ thā
har rāste kī dhuul paroñ meñ sameT kar
anjān manziloñ kā parinda safar meñ thā
bāzār meñ thī hañste charāġhoñ kī raushnī
bujhte hue diye kā dhuāñ mere ghar meñ thā
kanda thā ḳhvāhishoñ kā fasāna fasīl par
zinda haqīqatoñ kā lahū ik khañDar meñ thā
utrī thī raat shahr meñ aañsū liye hue
ik qāfila sahar kā kahīñ rahguzār meñ thā
'tāhir' mire vajūd kī bolī to de gayā
shāyad vo apnī zaat ke nīlām-ghar meñ thā
دریا رکا ہوا تھا مگر میں سفر میں تھا
اک روشنی کا عکس بھی میرے ہنر میں تھا
اوڑھا ہوا تھا سچ کا لبادہ وجود نے
لیکن شعور جھوٹ کے اندھے نگر میں تھا
ہر راستے کی دھول پروں میں سمیٹ کر
انجان منزلوں کا پرندہ سفر میں تھا
بازار میں تھی ہنستے چراغوں کی روشنی
بجھتے ہوئے دیے کا دھواں میرے گھر میں تھا
کندہ تھا خواہشوں کا فسانہ فصیل پر
زندہ حقیقتوں کا لہو اک کھنڈر میں تھا
اتری تھی رات شہر میں آنسو لیے ہوئے
اک قافلہ سحر کا کہیں رہ گزار میں تھا
طاہرؔ مرے وجود کی بولی تو دے گیا
شاید وہ اپنی ذات کے نیلام گھر میں تھا