तलाश फिर कोई खोई सी रहगुज़ार में थी
फिर आज इक शाम सुब्ह के इंतिज़ार में थी
वजूद गरचे हवाओं की ज़द पे था हमारा
चराग़ की लौ हथेलियों के हिसार में थी
निगाह के सारे इख़्तियारात सल्ब से थे
कशिश न जाने वो कौन सी ख़ारज़ार में थी
उमीद से थीं यहाँ वहाँ तक तमाम आँखें
तलब बरहना विसाल के कार-ज़ार में थी
उसे मुसव्विर ने रौशनी से बदन किया है
अँधेरी ख़ुशबू जो दीडा-ए-ख़्वाब-कार में थी
वक़ार क़ाएम न रख सकी दूसरे बदन पर
अना बहुत मो'तबर थी जब ख़ाकसार में थी
ख़याल 'परवेज़' दायरा बंद हो गया था
यक़ीन सी कोई चीज़ क़ुर्ब-ओ-जवार में थी
talāsh phir koī khoī sī rahguzār meñ thī
phir aaj ik shaam sub.h ke intizār meñ thī
vajūd garche havāoñ kī zad pe thā hamārā
charāġh kī lau hatheliyoñ ke hisār meñ thī
nigāh ke saare iḳhtiyārāt salb se the
kashish na jaane vo kaun sī ḳhārzār meñ thī
umiid se thiiñ yahāñ vahāñ tak tamām āñkheñ
talab barahna visāl ke kār-zār meñ thī
use musavvir ne raushnī se badan kiyā hai
añdherī ḳhushbū jo dīda-e-ḳhvāb-kār meñ thī
vaqār qaa.em na rakh sakī dūsre badan par
anā bahut mo'atabar thī jab ḳhāksār meñ thī
ḳhayāl 'parvez' dā.era band ho gayā thā
yaqīn sī koī chiiz qurb-o-javār meñ thī
تلاش پھر کوئی کھوئی سی رہ گزار میں تھی
پھر آج اک شام صبح کے انتظار میں تھی
وجود گرچہ ہواؤں کی زد پہ تھا ہمارا
چراغ کی لو ہتھیلیوں کے حصار میں تھی
نگاہ کے سارے اختیارات سلب سے تھے
کشش نہ جانے وہ کون سی خار زار میں تھی
امید سے تھیں یہاں وہاں تک تمام آنکھیں
طلب برہنہ وصال کے کار زار میں تھی
اسے مصور نے روشنی سے بدن کیا ہے
اندھیری خوشبو جو دیدۂ خواب کار میں تھی
وقار قائم نہ رکھ سکی دوسرے بدن پر
انا بہت معتبر تھی جب خاکسار میں تھی
خیال پرویزؔ دائرہ بند ہو گیا تھا
یقین سی کوئی چیز قرب و جوار میں تھی