बस देखते ही देखते सदियाँ गुज़र गईं
आबादियाँ पहाड़ों से नीचे उतर गईं
सोचे हुए दिनों के बदन-दार आ बसे
फिर यूँ हुआ कि रातें मुरादों से भर गईं
बाग़ीचा-ए-जहान मकानों से भर गया
फिर और देस तितलियाँ पर्वाज़ कर गईं
हम ज़िंदगी समेटते किस तरह शहर में
वो इंतिशार था कि निगाहें बिखर गईं
आईने जब यक़ीन के बे-आब हो गए
आँखों से इंतिज़ार की परतें उतर गईं
सब रौशनी की भूल-भुलय्यों में खो गए
जितनी बुराइयाँ थीं अँधेरों के सर गईं
हम रह गए फ़क़ीर से ता'बीर पूछते
फ़स्लों के साथ टिड्डियाँ सपने भी चर गईं
अज्साम फिर उतर न सके आसमान से
परछाइयाँ ज़मीन पे बे-मौत मर गईं
bas dekhte hī dekhte sadiyāñ guzar ga.iiñ
ābādiyāñ pahāḌoñ se nīche utar ga.iiñ
soche hue dinoñ ke badan-dār aa base
phir yuuñ huā ki rāteñ murādoñ se bhar ga.iiñ
bāġhīcha-e-jahān makānoñ se bhar gayā
phir aur des titliyāñ parvāz kar ga.iiñ
ham zindagī sameTte kis tarah shahr meñ
vo intishār thā ki nigāheñ bikhar ga.iiñ
ā.īne jab yaqīn ke be-āb ho ga.e
āñkhoñ se intizār kī parteñ utar ga.iiñ
sab raushnī kī bhūl-bhulayyoñ meñ kho ga.e
jitnī burā.iyāñ thiiñ añdheroñ ke sar ga.iiñ
ham rah ga.e faqīr se ta.abīr pūchhte
fasloñ ke saath TiDDiyāñ sapne bhī char ga.iiñ
ajsām phir utar na sake āsmān se
parchhā.iyāñ zamīn pe be-maut mar ga.iiñ
بس دیکھتے ہی دیکھتے صدیاں گزر گئیں
آبادیاں پہاڑوں سے نیچے اتر گئیں
سوچے ہوئے دنوں کے بدن دار آ بسے
پھر یوں ہوا کہ راتیں مرادوں سے بھر گئیں
باغیچۂ جہان مکانوں سے بھر گیا
پھر اور دیس تتلیاں پرواز کر گئیں
ہم زندگی سمیٹتے کس طرح شہر میں
وہ انتشار تھا کہ نگاہیں بکھر گئیں
آئینے جب یقین کے بے آب ہو گئے
آنکھوں سے انتظار کی پرتیں اتر گئیں
سب روشنی کی بھول بھلیوں میں کھو گئے
جتنی برائیاں تھیں اندھیروں کے سر گئیں
ہم رہ گئے فقیر سے تعبیر پوچھتے
فصلوں کے ساتھ ٹڈیاں سپنے بھی چر گئیں
اجسام پھر اتر نہ سکے آسمان سے
پرچھائیاں زمین پہ بے موت مر گئیں