अंदर बाहर ऊपर नीचे ख़्वाब ही ख़्वाब
दाएँ बाएँ आगे पीछे ख़्वाब ही ख़्वाब
ख़ुश्बू शबनम रंग की दुनिया एक फ़रेब
ग़ुंचे गुल बूटे बाग़ीचे ख़्वाब ही ख़्वाब
आँखें चेहरे चाँद सितारे रात ही रात
दरवाज़े दीवार दरीचे ख़्वाब ही ख़्वाब
हसरत टहनी टहनी नींद में डूबी थी
बिखरे थे पेड़ों के पीछे ख़्वाब ही ख़्वाब
काश कि ज़िंदा होते एहसासात सभी
देखा करते आँखें मीचे ख़्वाब ही ख़्वाब
उम्मीदें मेहदी के तलवे चाट गईं
दिखलाते कब तक ग़ालीचे ख़्वाब ही ख़्वाब
ख़्वाहिश ख़्वाहिश जो चाहो चुन लो 'परवेज़'
छोड़ चले हम अपने पीछे ख़्वाब ही ख़्वाब
andar bāhar uupar nīche ḳhvāb hī ḳhvāb
daa.eñ baa.eñ aage pīchhe ḳhvāb hī ḳhvāb
ḳhushbū shabnam rañg kī duniyā ek fareb
ġhunche gul buuTe bāġhīche ḳhvāb hī ḳhvāb
āñkheñ chehre chāñd sitāre raat hī raat
darvāze dīvār darīche ḳhvāb hī ḳhvāb
hasrat Tahnī Tahnī niiñd meñ Duubī thī
bikhre the peḌoñ ke pīchhe ḳhvāb hī ḳhvāb
kaash ki zinda hote ehsāsāt sabhī
dekhā karte āñkheñ mīche ḳhvāb hī ḳhvāb
ummīdeñ mehdī ke talve chaaT ga.iiñ
dikhlāte kab tak ġhālīche ḳhvāb hī ḳhvāb
ḳhvāhish ḳhvāhish jo chāho chun lo 'parvez'
chhoḌ chale ham apne pīchhe ḳhvāb hī ḳhvāb
اندر باہر اوپر نیچے خواب ہی خواب
دائیں بائیں آگے پیچھے خواب ہی خواب
خوشبو شبنم رنگ کی دنیا ایک فریب
غنچے گل بوٹے باغیچے خواب ہی خواب
آنکھیں چہرے چاند ستارے رات ہی رات
دروازے دیوار دریچے خواب ہی خواب
حسرت ٹہنی ٹہنی نیند میں ڈوبی تھی
بکھرے تھے پیڑوں کے پیچھے خواب ہی خواب
کاش کہ زندہ ہوتے احساسات سبھی
دیکھا کرتے آنکھیں میچے خواب ہی خواب
امیدیں مہدی کے تلوے چاٹ گئیں
دکھلاتے کب تک غالیچے خواب ہی خواب
خواہش خواہش جو چاہو چن لو پرویزؔ
چھوڑ چلے ہم اپنے پیچھے خواب ہی خواب