तलाश-ए-रहबर न ख़ौफ़-ए-मंज़िल न फ़िक्र कोई है जिस्म-ओ-जाँ की
जुनूँ सलामत तो किस को पर्वा रहे वफ़ा के हर इम्तिहाँ की
जो तुम ने देखा है मुस्कुरा कर क़दम ज़माने के रुक गए हैं
उस इक निगाह-ए-करम से पहले कहाँ थी मुझ पर नज़र जहाँ की
बयान गरचे था दर्द दिल का मगर था कैफ़-ओ-असर से ख़ाली
जो नाम आया है उस में तेरा बढ़ी है लज़्ज़त भी दास्ताँ की
रविश पे महव-ए-ख़िराम हो कर जगाए क्या क्या न तुम ने जादू
कली में रंगत गुलों में निकहत न ज़ीनत ऐसी थी गुल्सिताँ की
जमाल-ए-जानाँ की जल्वा-गाहें जहाँ भी जाऊँ वहाँ पे पाऊँ
झुकाऊँ सर को जहाँ भी अपने वहीं पे चौखट है आस्ताँ की
कभी न इंसाँ के दिल में झाँका कभी न खोदा ख़ज़ाना-ए-दिल
ज़मीं के रुख़ से हटाए पर्दे तो बात की हम ने आसमाँ की
ज़रूर आएँगी फिर बहारें चमन में फिर रक़्स-ओ-रंग होगा
न बाद-ए-सर-सर के होंगे झोंके न यूरिशें होंगी फिर ख़िज़ाँ की
ये जानता हूँ कि उस का मुद्दत से तिनका तिनका बिखर रहा है
न जाने फिर क्यों ये याद पैहम है मेरे उजड़े से आशियाँ की
जो आरज़ू को 'हबीब' पुख़्ता तो क़ुर्ब-ओ-दूरी का फ़र्क़ कैसा
मिरे तसव्वुर ने ख़त्म कर दी जो दूरी हम में थी दरमियाँ की
talāsh-e-rahbar na ḳhauf-e-manzil na fikr koī hai jism-o-jāñ kī
junūñ salāmat to kis ko parvā rahe vafā ke har imtihāñ kī
jo tum ne dekhā hai muskurā kar qadam zamāne ke ruk ga.e haiñ
us ik nigāh-e-karam se pahle kahāñ thī mujh par nazar jahāñ kī
bayān garche thā dard dil kā magar thā kaif-o-asar se ḳhālī
jo naam aayā hai us meñ terā baḌhī hai lazzat bhī dāstāñ kī
ravish pe mahv-e-ḳhirām ho kar jagā.e kyā kyā na tum ne jaadū
kalī meñ rangat guloñ meñ nik.hat na zīnat aisī thī gulsitāñ kī
jamāl-e-jānāñ kī jalva-gāheñ jahāñ bhī jā.ūñ vahāñ pe pā.ūñ
jhukā.ūñ sar ko jahāñ bhī apne vahīñ pe chaukhaT hai āstāñ kī
kabhī na insāñ ke dil meñ jhāñkā kabhī na khodā ḳhazāna-e-dil
zamīñ ke ruḳh se haTā.e parde to baat kī ham ne āsmāñ kī
zarūr ā.eñgī phir bahāreñ chaman meñ phir raqs-o-rang hogā
na bād-e-sar-sar ke hoñge jhoñke na yūrisheñ hoñgī phir ḳhizāñ kī
ye jāntā huuñ ki us kā muddat se tinkā tinkā bikhar rahā hai
na jaane phir kyoñ ye yaad paiham hai mere ujḌe se āshiyāñ kī
jo aarzū ko 'habīb' puḳhta to qurb-o-dūrī kā farq kaisā
mire tasavvur ne ḳhatm kar dī jo duurī ham meñ thī darmiyāñ kī
تلاش رہبر نہ خوف منزل نہ فکر کوئی ہے جسم و جاں کی
جنوں سلامت تو کس کو پروا رہے وفا کے ہر امتحاں کی
جو تم نے دیکھا ہے مسکرا کر قدم زمانے کے رک گئے ہیں
اس اک نگاہ کرم سے پہلے کہاں تھی مجھ پر نظر جہاں کی
بیان گرچہ تھا درد دل کا مگر تھا کیف و اثر سے خالی
جو نام آیا ہے اس میں تیرا بڑھی ہے لذت بھی داستاں کی
روش پہ محو خرام ہو کر جگائے کیا کیا نہ تم نے جادو
کلی میں رنگت گلوں میں نکہت نہ زینت ایسی تھی گلستاں کی
جمال جاناں کی جلوہ گاہیں جہاں بھی جاؤں وہاں پہ پاؤں
جھکاؤں سر کو جہاں بھی اپنے وہیں پہ چوکھٹ ہے آستاں کی
کبھی نہ انساں کے دل میں جھانکا کبھی نہ کھودا خزانۂ دل
زمیں کے رخ سے ہٹائے پردے تو بات کی ہم نے آسماں کی
ضرور آئیں گی پھر بہاریں چمن میں پھر رقص و رنگ ہوگا
نہ باد صرصر کے ہوں گے جھونکے نہ یورشیں ہوں گی پھر خزاں کی
یہ جانتا ہوں کہ اس کا مدت سے تنکا تنکا بکھر رہا ہے
نہ جانے پھر کیوں یہ یاد پیہم ہے میرے اجڑے سے آشیاں کی
جو آرزو کو حبیبؔ پختہ تو قرب و دوری کا فرق کیسا
مرے تصور نے ختم کر دی جو دوری ہم میں تھی درمیاں کی