तकल्लुफ़ नहीं हम से ज़ेबा तुम्हारा
तुम्हारे हमारे हमारा तुम्हारा
लिया दिल तो लो जान भी क्यों रहे जी
तमन्ना हमारी तक़ाज़ा तुम्हारा
ये तस्वीर-चेहरा उतर क्यों गया है
खिंचे किस से हो क्या है नक़्शा तुम्हारा
न तीर आह का दस्त-ए-क़ुदरत में अपने
न शमशीर-ए-अबरू पे क़ब्ज़ा तुम्हारा
चले हम तो हसरत ही ले कर रक़ीबो
मुबारक रहे तुम को प्यारा तुम्हारा
रक़ीबों से लड़ने का क़िस्सा न पोंछो
फ़ज़ीहत हमारी तमाशा तुम्हारा
न तहरीर-ए-ख़त है न बैत अब्रवीं हैं
ये मज़मूँ हमारा वो फ़िक़रा तुम्हारा
मैं अपने ही जज़्बे का क़ाइल था लेकिन
ग़ज़ब है मिरी जान ग़ुस्सा तुम्हारा
मुझे और से क्या मैं आशिक़ हूँ प्यारे
तुम्हारा तुम्हारा तुम्हारा तुम्हारा
सुलैमाँ हूँ पर यूँ अगर ख़ाक हो कर
अमल में हो नक़्श-ए-कफ़-ए-पा तुम्हारा
ख़फ़ा होते क्यों हो कि रखता है प्यारे
न जज़्बा हमारा न जल्वा तुम्हारा
'नसीम' इस चमन में गुल-ए-तर की सूरत
फटे कपड़े रखते हैं पर्दा तुम्हारा
takalluf nahīñ ham se zebā tumhārā
tumhāre hamāre hamārā tumhārā
liyā dil to lo jaan bhī kyoñ rahe jī
tamannā hamārī taqāzā tumhārā
ye tasvīr-chehra utar kyoñ gayā hai
khiñche kis se ho kyā hai naqsha tumhārā
na tiir aah kā dast-e-qudrat meñ apne
na shamshīr-e-abrū pe qabza tumhārā
chale ham to hasrat hī le kar raqībo
mubārak rahe tum ko pyārā tumhārā
raqīboñ se laḌne kā qissa na poñchho
fazīhat hamārī tamāshā tumhārā
na tahrīr-e-ḳhat hai na bait abrvīñ haiñ
ye mazmūñ hamārā vo fiqrā tumhārā
maiñ apne hī jazbe kā qaa.il thā lekin
ġhazab hai mirī jaan ġhussa tumhārā
mujhe aur se kyā maiñ āshiq huuñ pyāre
tumhārā tumhārā tumhārā tumhārā
sulaimāñ huuñ par yuuñ agar ḳhaak ho kar
amal meñ ho naqsh-e-kaf-e-pā tumhārā
ḳhafā hote kyoñ ho ki rakhtā hai pyāre
na jazba hamārā na jalva tumhārā
'nasīm' is chaman meñ gul-e-tar kī sūrat
phaTe kapḌe rakhte haiñ parda tumhārā
تکلف نہیں ہم سے زیبا تمہارا
تمہارے ہمارے ہمارا تمہارا
لیا دل تو لو جان بھی کیوں رہے جی
تمنا ہماری تقاضا تمہارا
یہ تصویر چہرہ اتر کیوں گیا ہے
کھنچے کس سے ہو کیا ہے نقشہ تمہارا
نہ تیر آہ کا دست قدرت میں اپنے
نہ شمشیر ابرو پہ قبضہ تمہارا
چلے ہم تو حسرت ہی لے کر رقیبو
مبارک رہے تم کو پیارا تمہارا
رقیبوں سے لڑنے کا قصہ نہ پونچھو
فضیحت ہماری تماشا تمہارا
نہ تحریر خط ہے نہ بیت ابرویں ہیں
یہ مضموں ہمارا وہ فقرا تمہارا
میں اپنے ہی جذبہ کا قائل تھا لیکن
غضب ہے مری جان غصہ تمہارا
مجھے اور سے کیا میں عاشق ہوں پیارے
تمہارا تمہارا تمہارا تمہارا
سلیماں ہوں پر یوں اگر خاک ہو کر
عمل میں ہو نقش کف پا تمہارا
خفا ہوتے کیوں ہو کہ رکھتا ہے پیارے
نہ جذبہ ہمارا نہ جلوہ تمہارا
نسیمؔ اس چمن میں گل تر کی صورت
پھٹے کپڑے رکھتے ہیں پردہ تمہارا