बल पड़ने लगा अबरू-ए-ख़मदार के ऊपर
आ जाए न आफ़त कहीं दो-चार के ऊपर
क़तरात-ए-अरक़ हैं नहीं ये सिल्क-ए-गुहर हैं
क्या अक्स-फ़गन उस रुख़-ए-गुलनार के ऊपर
ख़ूँ-रेज़ी पे बाँधेगा कमर जब कि वो सफ़्फ़ाक
गुलज़ार बना देगा तन-ए-ज़ार के ऊपर
बोसा जो तलब मैं ने किया बोले ये अग़्यार
तलवार चलेगी इसी तकरार के ऊपर
वा'दा किया आने का पर आए नहीं हरगिज़
क्या होए यक़ीन आप के इक़रार के ऊपर
ख़ूबों को मोहब्बत है बुरों से भी कि जूँ गुल
रहता है सदा साया-फ़गन ख़ार के ऊपर
तासीर है तक़रीर में उस शोख़ की इतनी
ख़ामोश हुईं बुलबुलें गुफ़्तार के ऊपर
bal paḌne lagā abrū-e-ḳhamdār ke uupar
aa jaa.e na aafat kahīñ do-chār ke uupar
qatrāt-e-araq haiñ nahīñ ye silk-e-guhar haiñ
kyā aks-fagan us ruḳh-e-gulnār ke uupar
ḳhūñ-rezī pe bāñdhegā kamar jab ki vo saffāk
gulzār banā degā tan-e-zār ke uupar
bosa jo talab maiñ ne kiyā bole ye aġhyār
talvār chalegī isī takrār ke uupar
va.ada kiyā aane kā par aa.e nahīñ hargiz
kyā ho.e yaqīn aap ke iqrār ke uupar
ḳhūboñ ko mohabbat hai buroñ se bhī ki juuñ gul
rahtā hai sadā sāya-fagan ḳhaar ke uupar
tāsīr hai taqrīr meñ us shoḳh kī itnī
ḳhāmosh huiiñ bulbuleñ guftār ke uupar
بل پڑنے لگا ابروئے خم دار کے اوپر
آ جائے نہ آفت کہیں دو چار کے اوپر
قطرات عرق ہیں نہیں یہ سلک گہر ہیں
کیا عکس فگن اس رخ گلنار کے اوپر
خوں ریزی پہ باندھے گا کمر جب کہ وہ سفاک
گلزار بنا دے گا تن زار کے اوپر
بوسہ جو طلب میں نے کیا بولے یہ اغیار
تلوار چلے گی اسی تکرار کے اوپر
وعدہ کیا آنے کا پر آئے نہیں ہرگز
کیا ہوئے یقین آپ کے اقرار کے اوپر
خوبوں کو محبت ہے بروں سے بھی کہ جوں گل
رہتا ہے سدا سایہ فگن خار کے اوپر
تاثیر ہے تقریر میں اس شوخ کی اتنی
خاموش ہوئیں بلبلیں گفتار کے اوپر