बालीं पे हो ऐ जान जो रानाई से गुज़रे
मुर्दा मिरा देखे जो मसीहाई से गुज़रे
ग़म मरने का अपने तो न था गोर में जाकर
अंदेशे हज़ारों तिरी रानाई से गुज़रे
दीवाने से पुर्सिश है न वीराने से हासिल
नादानी में क्यों होए तू दानाई से गुज़रे
भरिये वहीं तक जिस में न छलके मिरे साहिब
इस तरह की हम लाफ़-शकेबाई से गुज़रे
कहते थे वो कल सुन के 'नसीम' आप का चर्चा
अक्सर हैं इधर से भी वो सौदाई से गुज़रे
bālīñ pe ho ai jaan jo ra.anā.ī se guzre
murda mirā dekhe jo masīhā.ī se guzre
ġham marne kā apne to na thā gor meñ jākar
andeshe hazāroñ tirī ra.anā.ī se guzre
dīvāne se pursish hai na vīrāne se hāsil
nādānī meñ kyoñ ho.e tū dānā.ī se guzre
bhariye vahīñ tak jis meñ na chhalke mire sāhib
is tarah kī ham lāf-shakebā.ī se guzre
kahte the vo kal sun ke 'nasīm' aap kā charchā
aksar haiñ idhar se bhī vo saudā.ī se guzre
بالیں پہ ہو اے جان جو رعنائی سے گزرے
مردہ مرا دیکھے جو مسیحائی سے گزرے
غم مرنے کا اپنے تو نہ تھا گور میں جاکر
اندیشہ ہزاروں تری رعنائی سے گزرے
دیوانہ سے پرسش ہے نہ ویرانے سے حاصل
نادانی میں کیوں ہوئے تو دانائی سے گزرے
بھریے وہیں تک جس میں نہ چھلکے مرے صاحب
اس طرح کی ہم لاف شکیبائی سے گزرے
کہتے تھے وہ کل سن کے نسیمؔ آپ کا چرچا
اکثر ہیں ادھر سے بھی وہ سودائی سے گزرے