तार-तार-ए-पैरहन में भर गई है बू-ए-दोस्त
मिस्ल-ए-तस्वीर-ए-निहाली मैं हूँ हम-पहलू-ए-दोस्त
चेहरा-ए-रंगीं कोई दीवान-ए-रंगीं है मगर
हुस्न-ए-मतला हैं मसीं मतला है साफ़ अबरु-ए-दोस्त
हिज्र की शब हो चुकी रोज़-ए-क़यामत से दराज़
दोश से नीचे नहीं उतरे अभी गेसू-ए-दोस्त
दूर कर दिल की कुदूरत महव हो दीदार का
आइने को सीना साफ़ी ने दिखाया रू-ए-दोस्त
वाह-रे शाने की क़िस्मत किस को ये मालूम था
पंजा-ए-शल से खुलेंगे उक़्दा-हा-ए-मू-ए-दोस्त
दाग़-ए-दिल पर ख़ैर गुज़री तो ग़नीमत जानिए
दुश्मन-ए-जाँ हैं जो आँखें देखती हैं सू-ए-दोस्त
दो मरेंगे ज़ख़्म-ए-कारी से तो हसरत से हज़ार
चार तलवारों में शल हो जाएगा बाज़ू-ए-दोस्त
फ़र्श-ए-गुल बिस्तर था अपना ख़ाक पर सोते हैं अब
ख़िश्त ज़ेर-ए-सर नहीं या तकिया था ज़ानू-ए-दोस्त
याद कर के अपनी बर्बादी को रो देते हैं हम
जब उड़ाती है हवा-ए-तुंद ख़ाक-ए-कू-ए-दोस्त
उस बला-ए-जाँ से 'आतिश' देखिए क्यूँकर बने
दिल सिवा शीशे से नाज़ुक दिल से नाज़ुक ख़ू-ए-दोस्त
tār-tār-e-pairahan meñ bhar ga.ī hai bū-e-dost
misl-e-tasvīr-e-nihālī maiñ huuñ ham-pahlū-e-dost
chehra-e-rañgīñ koī dīvān-e-rañgīñ hai magar
husn-e-matl.a haiñ masīñ matl.a hai saaf abrū-e-dost
hijr kī shab ho chukī roz-e-qayāmat se darāz
dosh se nīche nahīñ utre abhī gesū-e-dost
duur kar dil kī kudūrat mahv ho dīdār kā
aa.ine ko siina saafī ne dikhāyā rū-e-dost
vāh-re shāne kī qismat kis ko ye ma.alūm thā
panja-e-shal se khuleñge uqda-hā-e-mū-e-dost
dāġh-e-dil par ḳhair guzrī to ġhanīmat jāniye
dushman-e-jāñ haiñ jo āñkheñ dekhtī haiñ sū-e-dost
do mareñge zaḳhm-e-kārī se to hasrat se hazār
chaar talvāroñ meñ shal ho jā.egā bāzū-e-dost
farsh-e-gul bistar thā apnā ḳhaak par sote haiñ ab
ḳhisht zer-e-sar nahīñ yā takiya thā zānū-e-dost
yaad kar ke apnī barbādī ko ro dete haiñ ham
jab uḌātī hai havā-e-tund ḳhāk-e-kū-e-dost
us balā-e-jāñ se 'ātish' dekhiye kyūñkar bane
dil sivā shīshe se nāzuk dil se nāzuk ḳhū-e-dost
تار تار پیرہن میں بھر گئی ہے بوئے دوست
مثل تصویر نہالی میں ہوں ہم پہلوئے دوست
چہرۂ رنگیں کوئی دیوان رنگیں ہے مگر
حسن مطلع ہیں مسیں مطلع ہے صاف ابروئے دوست
ہجر کی شب ہو چکی روز قیامت سے دراز
دوش سے نیچے نہیں اترے ابھی گیسوئے دوست
دور کر دل کی کدورت محو ہو دیدار کا
آئنے کو سینہ صافی نے دکھایا روئے دوست
واہ رے شانے کی قسمت کس کو یہ معلوم تھا
پنجۂ شل سے کھلیں گے عقدہ ہائے موئے دوست
داغ دل پر خیر گزری تو غنیمت جانیے
دشمن جاں ہیں جو آنکھیں دیکھتی ہیں سوئے دوست
دو مریں گے زخم کاری سے تو حسرت سے ہزار
چار تلواروں میں شل ہو جائے گا بازوئے دوست
فرش گل بستر تھا اپنا خاک پر سوتے ہیں اب
خشت زیر سر نہیں یا تکیہ تھا زانوئے دوست
یاد کر کے اپنی بربادی کو رو دیتے ہیں ہم
جب اڑاتی ہے ہوائے تند خاک کوئے دوست
اس بلائے جاں سے آتشؔ دیکھیے کیوں کر بنے
دل سوا شیشے سے نازک دل سے نازک خوئے دوست