ताक़-ए-अबरू हैं पसंद-ए-तब्अ इक दिल-ख़्वाह के
उम्र होती है बसर गुम्बद में बिस्मिल्लाह के
जाऊँ क्यूँ-कर बिन बुलाए उस बुत-ए-दिल-ख़्वाह के
बे-तलब कोई नहीं पहुँचा हुज़ूर अल्लाह के
रू-ए-नूरानी का तेरे हो गया है शक जो यार
रात भर दौड़ा हूँ क्या क्या पीछे पीछे माह के
शाम-ए-वस्ल आई इधर मौजूद थी सुब्ह-ए-फ़िराक़
कम घड़ी से भी पहर हैं इस शब-ए-कोताह के
दाग़-ए-इश्क़-ए-हुस्न का लुक़्मा निवाला है कड़ा
सैर-दिल हैं खाने वाले इस ग़म-ए-जाँ-काह के
ना-तवानी से है हालत ग़ैर हिज्र-ए-यार में
दम निकल जाता है अपना साथ हर इक आह के
इश्क़-ए-बुत में कोह पर जा जा के सर पटका किए
पाँव को सदमे रहे पस्त-ओ-बुलंद-ए-राह के
सालहा इश्क़-ए-ज़नख़दाँ ने लहू पानी किया
मुद्दतों रोए हैं जा जा कर किनारे चाह के
हश्र तक यूँ ही रहेंगे ग़म्ज़ा-ओ-अंदाज़-ओ-नाज़
इश्क़-ए-आली-मंज़िलत से हुस्न-ए-वाला-जाह के
जा निकलता है जो मुझ सा तिश्ना-ए-दीदार-ए-हुस्न
ज़िक्र-ए-यूसुफ़ करने लगते हैं कबूतर चाह के
मंज़िल-ए-मक़्सूद में चल कर निकालूँगा उन्हें
आबलों में ये जो हैं पैवस्त काँटे राह के
उस बुत-ए-बे-दीं की ज़ुल्फ़ों का इशारा है यही
इस बला में वो फँसें आशिक़ हों जो अल्लाह के
कब समाई है नज़र में रौशनी-ए-आफ़्ताब
चश्म-ए-बीना रखते हैं ज़र्रे तिरी दरगाह के
tāq-e-abrū haiñ pasan-e-tab.a ik dil-ḳhvāh ke
umr hotī hai basar gumbad meñ bismillāh ke
jā.ūñ kyūñ-kar bin bulā.e us but-e-dil-ḳhvāh ke
be-talab koī nahīñ pahuñchā huzūr allāh ke
rū-e-nūrānī kā tere ho gayā hai shak jo yaar
raat bhar dauḌā huuñ kyā kyā pīchhe pīchhe maah ke
shām-e-vasl aa.ī idhar maujūd thī sub.h-e-firāq
kam ghaḌī se bhī pahar haiñ is shab-e-kotāh ke
dāġh-e-ishq-e-husn kā luqma nivāla hai kaḌā
sair-dil haiñ khāne vaale is ġham-e-jāñ-kāh ke
nā-tavānī se hai hālat ġhair hijr-e-yār meñ
dam nikal jaatā hai apnā saath har ik aah ke
ishq-e-but meñ koh par jā jā ke sar paTkā kiye
paañv ko sadme rahe past-o-buland-e-rāh ke
sālahā ishq-e-zanaḳhdāñ ne lahū paanī kiyā
muddatoñ ro.e haiñ jā jā kar kināre chaah ke
hashr tak yuuñ hī raheñge ġhamza-o-andāz-o-nāz
ishq-e-ālī-manzilat se husn-e-vālā-jāh ke
jā nikaltā hai jo mujh sā tishna-e-dīdār-e-husn
zikr-e-yūsuf karne lagte haiñ kabūtar chaah ke
manzil-e-maqsūd meñ chal kar nikālūñgā unheñ
ābloñ meñ ye jo haiñ paivast kāñTe raah ke
us but-e-be-dīñ kī zulfoñ kā ishāra hai yahī
is balā meñ vo phaseñ āshiq hoñ jo allāh ke
kab samā.ī hai nazar meñ raushnī-e-āftāb
chashm-e-bīnā rakhte haiñ zarre tirī dargāh ke
طاق ابرو ہیں پسند طبع اک دل خواہ کے
عمر ہوتی ہے بسر گنبد میں بسم اللہ کے
جاؤں کیوں کر بن بلائے اس بت دل خواہ کے
بے طلب کوئی نہیں پہونچا حضور اللہ کے
روئے نورانی کا تیرے ہو گیا ہے شک جو یار
رات بھر دوڑا ہوں کیا کیا پیچھے پیچھے ماہ کے
شام وصل آئی ادھر موجود تھی صبح فراق
کم گھڑی سے بھی پہر ہیں اس شب کوتاہ کے
داغ عشق حسن کا لقمہ نوالہ ہے کڑا
سیر دل ہیں کھانے والے اس غم جاں کاہ کے
ناتوانی سے ہے حالت غیر ہجر یار میں
دم نکل جاتا ہے اپنا ساتھ ہر اک آہ کے
عشق بت میں کوہ پر جا جا کے سر پٹکا کئے
پاؤں کو صدمے رہے پست و بلند راہ کے
سالہا عشق زنخداں نے لہو پانی کیا
مدتوں روئے ہیں جا جا کر کنارے چاہ کے
حشر تک یوں ہی رہیں گے غمزہ و انداز و ناز
عشق عالی منزلت سے حسن والا جاہ کے
جا نکلتا ہے جو مجھ سا تشنۂ دیدار حسن
ذکر یوسف کرنے لگتے ہیں کبوتر چاہ کے
منزل مقصود میں چل کر نکالوں گا انہیں
آبلوں میں یہ جو ہیں پیوست کانٹے راہ کے
اس بت بے دیں کی زلفوں کا اشارہ ہے یہی
اس بلا میں وہ پھنسیں عاشق ہوں جو اللہ کے
کب سمائی ہے نظر میں روشنیٔ آفتاب
چشم بینا رکھتے ہیں ذرے تری درگاہ کے