ताब-ए-फ़ुर्क़त भी नहीं ज़ब्त का यारा भी नहीं
उसे घबरा के भुला दें ये गवारा भी नहीं
ख़ुद-फ़रेबी से तिरा लुत्फ़ जिसे कह सकते
अपनी क़िस्मत में वो मुबहम सा इशारा भी नहीं
मौज-ए-साहिल ही डुबो देती तो क्या कहना था
वो सफ़ीना जिसे तूफ़ाँ का सहारा भी नहीं
वाए तक़दीर-ए-मोहब्बत कभी आते जाते
तू ने देखा भी नहीं हम ने पुकारा भी नहीं
इतने मानूस हैं अब शाम की तन्हाई से
ग़म के मारों को तिरा क़ुर्ब गवारा भी नहीं
मुन्हरिफ़ तेरे तग़ाफ़ुल से सभी हैं लेकिन
तेरा ग़म छोड़ के दुनिया में गुज़ारा भी नहीं
क्या हुआ चश्म-ए-करम रूठ गई ऐ 'माहिर'
दिल मगर गर्दिश-ए-अय्याम से हारा भी नहीं
tāb-e-furqat bhī nahīñ zabt kā yaarā bhī nahīñ
use ghabrā ke bhulā deñ ye gavārā bhī nahīñ
ḳhud-farebī se tirā lutf jise kah sakte
apnī qismat meñ vo mub.ham sā ishārā bhī nahīñ
mauj-e-sāhil hī Dubo detī to kyā kahnā thā
vo safīna jise tūfāñ kā sahārā bhī nahīñ
vaa.e taqdīr-e-mohabbat kabhī aate jaate
tū ne dekhā bhī nahīñ ham ne pukārā bhī nahīñ
itne mānūs haiñ ab shaam kī tanhā.ī se
ġham ke māroñ ko tirā qurb gavārā bhī nahīñ
munharif tere taġhāful se sabhī haiñ lekin
terā ġham chhoḌ ke duniyā meñ guzārā bhī nahīñ
kyā huā chashm-e-karam ruuTh ga.ī ai 'māhir'
dil magar gardish-e-ayyām se haarā bhī nahīñ
تاب فرقت بھی نہیں ضبط کا یارا بھی نہیں
اسے گھبرا کے بھلا دیں یہ گوارا بھی نہیں
خود فریبی سے ترا لطف جسے کہہ سکتے
اپنی قسمت میں وہ مبہم سا اشارا بھی نہیں
موج ساحل ہی ڈبو دیتی تو کیا کہنا تھا
وہ سفینہ جسے طوفاں کا سہارا بھی نہیں
وائے تقدیر محبت کبھی آتے جاتے
تو نے دیکھا بھی نہیں ہم نے پکارا بھی نہیں
اتنے مانوس ہیں اب شام کی تنہائی سے
غم کے ماروں کو ترا قرب گوارا بھی نہیں
منحرف تیرے تغافل سے سبھی ہیں لیکن
تیرا غم چھوڑ کے دنیا میں گزارا بھی نہیں
کیا ہوا چشم کرم روٹھ گئی اے ماہرؔ
دل مگر گردش ایام سے ہارا بھی نہیں