ता-हद्द-ए-बीनाई अंदर बाहर हूर
ये कैसा मंज़र है मंज़र-मंज़र हूर
मैं कैसे जन्नत के बाला-ख़ाने में
क्या कोई बतला सकती है आ कर हूर
दिल के सातों दरिया मीठे फ़रमा कर
ख़्वाब से वापस हो जाती है अक्सर हूर
तेरे पाँव की धूल के सदक़े सुर्ख़ गुलाब
चाँद सितारे और बेहतर से बेहतर हूर
मुफ़्ती-ए-'इश्क़ ने ये फ़तवा फ़रमाया है
उस की झूटी हर ता'रीफ़ पे सत्तर हूर
उस के यहाँ तब्लीग़ तो है तख़्लीक़ नहीं
या'नी उस के सब शे'रों का महवर हूर
किसी ने क्या तस्वीर बनाई है 'ताहिर'
जिस्म बरहना साहिल और समुंदर हूर
tā-hadd-e-bīnā.ī andar bāhar huur
ye kaisā manzar hai manzar-manzar huur
maiñ kaise jannat ke bālā-ḳhāne meñ
kyā koī batlā saktī hai aa kar huur
dil ke sātoñ dariyā mīThe farmā kar
ḳhvāb se vāpas ho jaatī hai aksar huur
tere paañv kī dhuul ke sadqe surḳh gulāb
chāñd sitāre aur behtar se behtar huur
muftī-e-'ishq ne ye fatvā farmāyā hai
us kī jhūTī har tā'rīf pe sattar huur
us ke yahāñ tablīġh to hai taḳhlīq nahīñ
yā'nī us ke sab she'roñ kā mehvar huur
kisī ne kyā tasvīr banā.ī hai 'tāhir'
jism barahna sāhil aur samundar huur
تا حد بینائی اندر باہر حور
یہ کیسا منظر ہے منظر منظر حور
میں کیسے جنت کے بالا خانے میں
کیا کوئی بتلا سکتی ہے آ کر حور
دل کے ساتوں دریا میٹھے فرما کر
خواب سے واپس ہو جاتی ہے اکثر حور
تیرے پاؤں کی دھول کے صدقے سرخ گلاب
چاند ستارے اور بہتر سے بہتر حور
مفتیٔ عشق نے یہ فتویٰ فرمایا ہے
اس کی جھوٹی ہر تعریف پہ ستر حور
اس کے یہاں تبلیغ تو ہے تخلیق نہیں
یعنی اس کے سب شعروں کا محور حور
کسی نے کیا تصویر بنائی ہے طاہرؔ
جسم برہنہ ساحل اور سمندر حور