सूरत से इस की बेहतर सूरत नहीं है कोई
दीदार-ए-यार सी भी दौलत नहीं है कोई
आँखों को खोल अगर तू दीदार का है भूका
चौदह तबक़ से बाहर नेमत नहीं है कोई
साबित तिरे दहन को क्या मंतिक़ी करेंगे
ऐसी दलील ऐसी हुज्जत नहीं है कोई
ये क्या समझ के कड़वे होते हैं आप हम से
पी जाएगा किसी को शर्बत नहीं है कोई
मैं ने कहा कभी तो तशरीफ़ लाओ बोले
म'अज़ूर रखिए वक़्त-ए-फ़ुर्सत नहीं है कोई
हम क्या कहें किसी से क्या है तरीक़ अपना
मज़हब नहीं है कोई मिल्लत नहीं है कोई
दिल ले के जान के भी साइल जो हो तो हाज़िर
हाज़िर जो कुछ है उस में हुज्जत नहीं है कोई
हम शायरों का हल्क़ा हल्क़ा है आरिफ़ों का
ना-आश्ना-ए-मअ'नी सूरत नहीं है कोई
दीवानों से है अपने ये क़ौल उस परी का
ख़ाकी ओ आतिशी से निस्बत नहीं है कोई
हज़्दा हज़ार आलम दम-भर रहा है तेरा
तुझ को न चाहे ऐसी ख़िल्क़त नहीं है कोई
नाज़ाँ न हुस्न पर हो मेहमाँ है चार दिन का
बे-ए'तिबार ऐसी दौलत नहीं है कोई
जाँ से अज़ीज़ दिल को रखता हूँ आदमी हूँ
क्यूँ-कर कहूँ मैं मुझ को हसरत नहीं है कोई
यूँ बद कहा करो तुम यूँ माल कुछ न समझो
हम सा भी ख़ैर-ख़्वाह-ए-दौलत नहीं है कोई
मैं पाँच वक़्त सज्दा करता हूँ इस सनम को
मुझ को भी ऐसी-वैसी ख़िदमत नहीं है कोई
मा-ओ-शुमा कह-ओ-मह करता है ज़िक्र तेरा
इस दास्ताँ से ख़ाली सोहबत नहीं है कोई
शहर-ए-बुताँ है 'आतिश' अल्लाह को करो याद
किस को पुकारते हो हज़रत नहीं है कोई
sūrat se is kī behtar sūrat nahīñ hai koī
dīdār-e-yār sī bhī daulat nahīñ hai koī
āñkhoñ ko khol agar tū dīdār kā hai bhūkā
chaudah tabaq se bāhar ne.amat nahīñ hai koī
sābit tire dahan ko kyā mantiqī kareñge
aisī dalīl aisī hujjat nahīñ hai koī
ye kyā samajh ke kaḌve hote haiñ aap ham se
pī jā.egā kisī ko sharbat nahīñ hai koī
maiñ ne kahā kabhī to tashrīf laao bole
ma.azūr rakhiye vaqt-e-fursat nahīñ hai koī
ham kyā kaheñ kisī se kyā hai tarīq apnā
maz.hab nahīñ hai koī millat nahīñ hai koī
dil le ke jaan ke bhī saa.il jo ho to hāzir
hāzir jo kuchh hai us meñ hujjat nahīñ hai koī
ham shā.eroñ kā halqa halqa hai ārifoñ kā
nā-āshnā-e-ma.anī sūrat nahīñ hai koī
dīvānoñ se hai apne ye qaul us parī kā
ḳhākī o ātishī se nisbat nahīñ hai koī
hazhda hazār aalam dam-bhar rahā hai terā
tujh ko na chāhe aisī ḳhilqat nahīñ hai koī
nāzāñ na husn par ho mehmāñ hai chaar din kā
be-e'tibār aisī daulat nahīñ hai koī
jaañ se aziiz dil ko rakhtā huuñ aadmī huuñ
kyūñ-kar kahūñ maiñ mujh ko hasrat nahīñ hai koī
yuuñ bad kahā karo tum yuuñ maal kuchh na samjho
ham sā bhī ḳhair-ḳhvāh-e-daulat nahīñ hai koī
maiñ pāñch vaqt sajda kartā huuñ is sanam ko
mujh ko bhī aisī-vaisī ḳhidmat nahīñ hai koī
mā-o-shumā kah-o-mah kartā hai zikr terā
is dāstāñ se ḳhālī sohbat nahīñ hai koī
shahr-e-butāñ hai 'ātish' allāh ko karo yaad
kis ko pukārte ho hazrat nahīñ hai koī
صورت سے اس کی بہتر صورت نہیں ہے کوئی
دیدار یار سی بھی دولت نہیں ہے کوئی
آنکھوں کو کھول اگر تو دیدار کا ہے بھوکا
چودہ طبق سے باہر نعمت نہیں ہے کوئی
ثابت ترے دہن کو کیا منطقی کریں گے
ایسی دلیل ایسی حجت نہیں ہے کوئی
یہ کیا سمجھ کے کڑوے ہوتے ہیں آپ ہم سے
پی جائے گا کسی کو شربت نہیں ہے کوئی
میں نے کہا کبھی تو تشریف لاؤ بولے
معذور رکھیے وقت فرصت نہیں ہے کوئی
ہم کیا کہیں کسی سے کیا ہے طریق اپنا
مذہب نہیں ہے کوئی ملت نہیں ہے کوئی
دل لے کے جان کے بھی سائل جو ہو تو حاضر
حاضر جو کچھ ہے اس میں حجت نہیں ہے کوئی
ہم شاعروں کا حلقہ حلقہ ہے عارفوں کا
نا آشنائے معنی صورت نہیں ہے کوئی
دیوانوں سے ہے اپنے یہ قول اس پری کا
خاکی و آتشی سے نسبت نہیں ہے کوئی
ہژدہ ہزار عالم دم بھر رہا ہے تیرا
تجھ کو نہ چاہے ایسی خلقت نہیں ہے کوئی
نازاں نہ حسن پر ہو مہماں ہے چار دن کا
بے اعتبار ایسی دولت نہیں ہے کوئی
جاں سے عزیز دل کو رکھتا ہوں آدمی ہوں
کیوں کر کہوں میں مجھ کو حسرت نہیں ہے کوئی
یوں بد کہا کرو تم یوں مال کچھ نہ سمجھو
ہم سا بھی خیر خواہ دولت نہیں ہے کوئی
میں پانچ وقت سجدہ کرتا ہوں اس صنم کو
مجھ کو بھی ایسی ویسی خدمت نہیں ہے کوئی
ما و شما کہہ و مہ کرتا ہے ذکر تیرا
اس داستاں سے خالی صحبت نہیں ہے کوئی
شہر بتاں ہے آتشؔ اللہ کو کرو یاد
کس کو پکارتے ہو حضرت نہیں ہے کوئی